LAWNGTLAI AREA PASTORS’ MEET
Tunkar Inrinni leh Pathianni (May 13-14) hmang hian Lawngtlai Area Administrative & Development Committee (LAA&DC) buatsaih - Lawngtlai Area huam chhunga Pastor te pualin intawhkhawmna (Lawntlai Area Pastors’ Meet) chu Lorrain Hall, Baptist House-ah neih a ni dawn a. He hun hmanpui tur hian Headquarters atangin General Secretary leh Finance Director te an kal ang. Inrinni nilengin Seminar leh inpawlhona neih a ni ang a. Pathianni-ah Lawngtlai khawpui chhunga Kohhran hrang hrangah insem darhin hun an hmang ang.
Zaipawl Meet
Cherhlun Pastor Bial Worship & Music Committee buatsaihin May 12-14 2017 chhung hian New Ngahrchhip-ah Bial huap Zaipawl Meet an buatsaih a. He Meet-ah hian Upa KMS Dawngliana Speaker a ni ang a, Pangzawl pastor Bial Zaipawl ten an hmanpui ang. Inrinni nilengin Worship & Music Seminar neih a ni ang.
KNP Inkhâwmpui:
# Chanmari Pastor Bial chuan Rev.Lianchhunga Khiangte, Organiser, MTKP Speaker-a hmangin May 13-14, 2017 hian BCM Biak In, Chanmari-ah KNP inkhâwmpui vawi 35-na an nei dawn a, thupuiah 'Rinawmna' tih an hmang ang. He Inkhawmpuiah hian Thuvawn, Solfa, Lengkhâwm zai tea intihsiakna neih a ni ang a, inelna hrang hrangah hian lâwmman tha tak siam a ni.
# Aizawl 'E' Pastor Bialin KNP inkhâwmpui ni 13-14 May 2017 hian BCM Electric Biak Inah an nei a. Speaker-ah Rbt.B.Singpari, KNP Promoter an hmang thung ang.
Mission News:
# Rev. C.Vanlaldika, AGS i/c Mission chu Assam leh Bengal Field tlawhin a thang mek a. May 11&12 hian SIM-NE Council Meeting, Shillong-ah a tel nghal ang. AGS hi Pu C. Lalengkima, BCM Audio Visual lama thawktuin tawiawmin Mission Field Video thla lâk a buaipui nghâl ang.
#General Conference: Arunachal East Field chuan Yingkiang-ah May 12-14,2017 hmang hian Thalai General Conference an nei mek a, Speaker-ah Rev. Tc Zodinsanga Field Director an hmang.
#Annual Conference: MP&MS Field chuan ‘Kohhran’ tih thupui hmangin Annual Conference May 12-14,2017 chhung hian Dharni-ah an nei mek a, Upa HL Liantluanga Mission Promoter speaker-ah an hmang. Speaker hi Upa Lalsanglura Shalom Aizawl-in a tawiawm.
# Missionary Furlough: Pu C. Lalluaha Evangelist Tripura Field-a thawk mek chuan Theiriat Pastor bialah tunkar chho hian Furlough Deputation Programme a hmang mek.
