#G.S Programme

Tunkar Inrinni, April 29, 2017 hian Vaisam Biak In thar chu hawn a ni dawn a, Rev. F. Ramdinmawia General Secretary-in a hawng ang. G.S hi Upa Biakchungnunga Office Supt.-in a tawiawm ang.

#Sunday School Programme:

April ni 29-30 chhung hian Lungsen Pastor Bial huap Tleirawl Pual Meet neih a ni dawn a. He hun hmanpui tur hian Head Quarters atangin Rev. Pc Liandula, Director, Christian Education leh Upa K. Lalnuntluanga te an kal ang.

#NEICCWA 12th Biennial Assembly

Ni 28-29, April 2017 chhûng hian Mairang Presbyterian Biak In-ah North East India Christian Council(NEICC) Women Assembly neih a nidawn a. Thupuiah "Revive us again" (Min tiharh leh dâwn lâwm ni) Sâm 85:6 tih a ni ang. He Assembly hmang tur hian MBKHP atangin Pi PS Lalhmingthangi, Orgnaiser hovin palai 12 zet an kal.

#Board of Theological Education thukhawm

Vawiin, April, 27, 2017 (Ningani) hian Mizoram Baptist Kohhran, Board of Theological Education Meeting, AICS Aizawl-ah neih a ni a. He Meeting-a tel tur hian Headquarters atangin Rev. F. Ramdinmawia, General Secretary, Rev. V. Vanlalchhunga, Pastoral Coordinator te an kal. Tun tumah hian AICS-a BCm Spoinsor-a BD, M.Div leh Dip.in Music zir tur an la ang. Chanchin kan ziak lai hian tute nge an lak kan hre hman rih lo.

#Mission Convention

#Kikawn Kohran chuan April 26-30, 2017 chhûng hian Rev. LB Khawpuimawia Speaker-a hmangin Mission Convention an nei mek.

#Lêngpui Pastor Bial Mission Committee huaihawtin Lengpui Kohhran-ah April 29-30, 2017 chhung hian "Tho la êng rawh" (Isaia 60:1) tih thupui hmangin Mission Convention an nei dawn a. He Convention-ah hian Upa HL. Liantluanga, Mission Promoter chu speaker a ni ang. Speaker hi Tv. Buanga leh Nl Zoremi, Lungsen ten an tawiawm bawk.

# Tuipui ‘D’ Kohhran pawhin April 28-30 chhung hian Mission Convention & Consultation an nei dawn a, Head Quarters atangin Rev. B. Lalrinawma, Mission Coordinator leh Nl Esther Zothansangi, Missionary te an kal ang.