#Bru Baptist Church(BBC) Assembly nei mek:
March 22-26, 2017 chhung hian Bru Baptist Church(BBC) chuan an Headquarters – Damparengpui-ah Assembly an nei mek a. He Assembly-ah hian chhun lamah Rorel-in zan lam leh Pathianni ah te Vantlang Inkhawm leh Inpawlhona aawm thin ang. BBC Assembly hmanpui tur hian AGS i/c Mission Rev. Dr. C. Vanlaldika leh Mission Coordinator Rev. B. Lalrinawma te an kal.
BCM hian Bru zingah kum 1939 atangin reawngbawlna atan a, chumi atanga kum 70-na, 2009-ah anmahni-a inenkawl turin Bru Baptist Church (BBC) chu May 20-ah Putlungasih-ah din a lo ni ta a ni. Headquarters Damparengpui chu buatsaihin Office leh Staff Quarters tur te sak tan a ni a, chumi chhung chu BCM Headquarters Office, Serkawn-ah BBC Office hi dah a ni a. Tun tuma an Assembly zawh atang hian BBC Headquarters, Damparengpui hi an luah tawh dawn a ni. Tunah hian BBC-ah hian Tualchhung Kohhran 133 awmin Kohhran member 22450 an awm mek a, Kohhran upa 331, Rawngbawltu 611, Pastor 9 leh Pro.Pastor 4 an nei a ni.
#Hnahthial Peniel Kohhran Diamond Jubilee:
March 25, 2017 (Inrinni) khian Hnahthial Peniel Kohhran chuan an din champha phak vawi 60-na (Diomond Jubilee) an lawm dawn a, nileng-in awmni khamin programme an hmang ang. BCM Peniel Diamond Jubilee hi Rev. R.Zohmingliana AGS i/c Service –in a hmanpui.
#Sunday School Seminar:
Tunkar Inrinni leh Pathianni (arch 25 & 26, 2017 ) hmang hian Chawngte Pastor Bial huap-in Chawngte-ah Sunday School Seminar buatsaih a ni dawn a. Resource person atan Pi H. Lalkimi, SS Promoter leh Upa C. Thankila, SS Trainer- Lawngtlai, te an kal ang.
#KNP Inkhawmpui:
Buarpui ‘S’ Pastor Bial KNP te chuan “Naupangte Isua hnenah” tih thupui hmangin tunkar Zirtawpni atanga Pathianni (March 24-26) hian KNP Inkhawmpui BCM Buarpui-ah an nei dawn a. KNP Promoter Pi B. Singpari’n a hmanpui ang.
#BMP Inkhawmpui:
March 24-26 chhung vek hian Thenzawl Pastor Biak BMP te chuan “Mipa takin I puan veng la…” tih thupui hmangin Ramlaitui-ah Inkhawmpui an nei dawn a. Speaker-ah Rev. KV Thanga, Diretor, FOD an hmang ang. Lunglei atangin Bazar Pastor Bial Zaipawl ten an hmanpui ang.
Crusade:
Rev. K. Lalbiakenga, Manager, Social Concern Dept. chuan tun Weekend (Zirtawp zan atanga Pathianni zan) hian Moria Kohhran, Rahsiveng-ah Crusade a neihpui ang.
