Biak In hawng dawn

March 23, 2017 Dar 11:00 a.m khian Mizoram Baptist Kohhran,  Horeb, Zobawk chuan an biak In thar  an hawng  dawn a. Rev. F. Ramdinmawia, General Secretary, BCM-in a hawng  ang. He Programme telpui tur hian Horeb Kohhran-a lo lawi tawh, hmun hrang hranga awmte an sawm a ni.

Mission Convention

Siaha 'E' Pastor Bial buatsaihin Mission Convention chu  New Siaha-ah March 18-19 , 2017 hian neih a ni dawn a. Speaker-ah Upa HL.Liantluanga, Mission Promoter a ni ang.  

MBKHP Programme

March 17-19, 2017 chhûng hian Zâwlnuam Pastor Bial BKHP inkhâwmpui, Luimawi-ah neih a ni dâwn a. Mizoram BKHP hruaitute Pi B. Singpari, Asst. Secretary hovin Pi C. Zonunsangi leh Pi Lalhliri Ralte, Executive Committee member ten an hmanpui ang.

 

Junior TKP/Tleirawl Meet

Mizoram baptist Kohhran, Worship and Music Department buatsaihin Lawngtlai Area Junior TKP/Tleirâwl Meet chu  March 18-19 hian Bazarveng Biak In, Lawngtlai-ah neih a ni dawn a. Headquarters  lam atangin Upa K. Lalnuntluanga, Dr. Vanlalhlani Ralte, Ms Deborah (Ani hi London atanga lo kal a ni) leh rawngbâwlpui thenkhatte an kal ang.

Sunday School Training/Seminar

Putlungasih Pastor Bial Sunday School Training thawh hnihna - Rotlang West, Belthei leh Phairuang Kohhran pualin Rotlang West-ah tunkar Inrinni leh Pathianni (March 18&19, 2017) hmang hian Sunday School Training neihpui an ni dawn a. Headqurters atangin Pi H. Lalkimi, SS Promoter leh Pi C. Lalhmingmawii ten Training hi an neihpui ang.  Nikum kumtawp lam khan Bial chhung Kohhran dang te pualin he training hi an lo neihpui tawh a ni.