Mizoram Baptist Kohhran, New Secretariat Complex chuan an Biak In sak thar chhawng thumna (3rd Floor) chu Biak In tak an sak zawh hma atan inkhawm nan luah tan an tum a. Tunkar Pathiani, June 19, 2016 (Pathianni) zing Inkhawm-ah Rev. Dr.K.Lalrinthanga, Executive Secretary, Aizawl-in Pathian hnena hlanna leh hawnna a nei ang a, Bialtu Pastor, Rev. C. Chhuntluanga’n thuchah a sawi ang.

Champhai Pastor Bial leh Christian Education Department buatsaih-in June 18 (Inrinni) khian Intermediate Meet Champhai-ah buatsaih a ni a. Headquarters atangin leh Christian Education Director Rev. Pc Liandula leh Sunday School Promoter Pi H. Lalkimi ten an hmanpui ang. Pathianni-ah Champhai Bial chhunga Kohhran thenkhat-ah programme an hman chhunzawm ang.

Mualthuam N Kohhran chuan Inrinni leh pathianni(June 18-19) hmang hian an Kohhran-ah Doctrinal Crusade an buatsaih dawn a. Rev. Dr. R. Zolawma, Principal, AICS chu Speaker-ah an hmang ang.

Rahsiveng Pastor Bial BMP te chuan June 23-26, 2016 khian Rahsiveng Biak Inah Leadership Training an nei dawn a. Rev. KV Thanga,  Director, W&M chu resource person a ni ang. Pathinni-ah Follow-up programme-in an chhunzawm ang.

Nimin leh vawiin (June 18-19) hian Ramlaitui Kohhran chuan Social Concern Awareness leh Kohhran humhalh Seminar an buatsaih a. Resource person-ah Rev. R. Zohmingliana, AGS i/c Service leh rev. K. Lalbiakenga, Organiser PG & PAC an hmang.