April 15-17, 2016- chhung hian Tripura Baptist Union (TBCU) inkhawmpui neih turah, Mizoram Baptist Kohhran atanga palai turin Upa HL.Liantluanga Mission Promoter, Upa Taithanga Lunglawn, Upa F. Vanlallawma Lily Veng te an kal.
#BSI Conference-ah AGS :April 16-17 chhung hian Bible Society of India(BSI) Aizawl Auxiliary - Auxiliary Meeting leh Annual General Meeting Chanmari Presbyterian Kohhran Biak In ah neih a ni dawn a. Rev. R. Zohmingliana Associate General Secretary i/c Service pawh BSI Vice.President a nih avangin BSI Inkhawmpui-ah hian a kal a, karleh thawhtan-ah a lo haw leh ang.
#Worship & Music Training:Tunkar pathianni April 17,2016 hmang hian April 10,2016 hmang khan Zawlnuam Pastor Bial huapin Zawlnuam Kohhran-ah Worship & Music Training an nbuatsaih a. Resource Persons-atan Rev. KV. Thanga, Director W&M Dept. leh Upa Dr. R. Lalramzauva te an kal ang a, Nl. CR.Laldingliani'n a tawiawm, ang. Pathianni hmasa, April 10,2016 pawh khan BCM Lamthuamthum Haulawngah Music Trainning an lo nei tawh a, Rev. KV. Thanga leh Upa Saihmingliana te Resource Person niin, member an kal tha hle.
#Bial BKHP/KNP Inkhawmpui:
# Shillong Pastor Bial BKHP te chuan April 15-17, 2016 hian "I Pathian tawk turin inpeih rawhโ(Amosa 4:12) tih thupui hmangin Shillong Mizo Baptist Church-ah Inkhawmpui an nei dawn a, Speaker-ah Rev. R. Lalnunzira, NEICC Secretary an hmang ang.
#Chanmari Pastor Bial KNP pawhin hemi hun chhung vek hian a hnuaia tarlan ang hian an Zion Biak In Ramtharveng-ah Bial KNP Inkhawmpui vawi -34 na hlim an nei dawn a, Thupui atn "Naupangte leh Tunlai Khawvel" tih niin Speaker - Rev. Lianchhunga Khiangte OrganiserMTKP a ni ang#Lawngtlai S Bial KNP pawhin April 16-17 bawk hian BCM Bethani Biak In-ah "Lalpa hmangaih Naupangte" tih thupui
#Phawngpui (S) Bial KNP pawhin April 15-17 hian Bualpui (NG)-ah inkhawmpui an nei dawn a, Thupui atan "Isuan Naupangte a hmangaih" tih a ni ang.
#Mission Convention #BCM Theiriat chuan April 16-17, 2016 chhung hian Mission Convention an nei dawn a, Speaker-ah Rev.C.Lalbiakzama Executive Editor an hmang ang. Hemi hun chhung vek hian BCM Luangmual Lunglei chuan Mission Convention buatsaihin Speaker-ah Rev.F.Sangvela an hmang thung ang.
#IBWU Meeting, Mumbai-ah Pi Zanguri:
India Baptist Women Union Executive Committee Meeting April 13-16, 2016 hian Mumbai-ah neih mek a ni a. Pi F. Zanguri, MBKHP Vice President chu Committee member a nih angin meeting-a te turin a thang mek.
