Mission Convention.
Luangmual Pastor Bial buatsaihin Mission March 18-20, 2016 chhung hian BCM Luangmual Biak In ah Convention an nei dawn a, Speaker-ah Upa H.L.Liantluanga Mission Promoter a ni ang. Nl.Malsawmliani E/T MEC Ziro Arunachal leh Nl. Vanlalpeki Hnathial ten zai leh report pein an tawiawm ang.
Intermediate Meet.
S.Vanlaiphai bial khaw hrang hrangah Christian Education Department buatsaihin Intermediate Meet tun Pathianni hmang hian neih a ni dawn a. Rev.V.Vanlalchhunga leh Pu Saihmingliana BCM Salem Lunglei ten an hmanpui ang.
Workcamp an nei.
BMP Electricveng Unit Lunglei te chuan tun kar ni March 14-18 chhung hian Rotlang West-ah Missionary Quarters sain workcamp an nei mek a. Member 20 vel thawk chhuakin TKP nula 3 in an tawiawm bawk. An Quarters sak hi a dung ft 30 avang ft 29 a ni. Mi inpete a zarah kan missionary ten malsawmna an dawng thin hi a ropui hle ani.
