Target tlin theih beisei

Mizoram Baptist Kohhran, Finance Department-in thla 10 chhung (April-January) thawhlawm luh dan an tihchhuaha a lan danin kumin hian kan target tlin loh mai hlauhthawnawma ni-a kan sawi thin chu hlauhthawnawm lutuk niin a lang ta lo va, January thla thleng khan Target beisei 83%  chu  84% kan tlin ta a, February leh March-ah thla dang ang bawka kan pek chuan kan tlin theih a beisei awm niin a tarlang a. Amaherawhchu, March thla thlenga Kohhran hote inthlahdah lova, kan tan mar erawh a tul dawn niin a lang.

MTKP Inkhawmpui tiak ta

Mizoram Thalai Kristian pawl (MTKP) inkhawmpui vawi 46-na chu February 18-21, 2016 khan Lawngtlai khawpuiah hlim leh hlung taka neih a ni a; mikhual 7000+ zet an tling a, Pathianni zing inkhawm-ah mi sing khat leh sangli chuang zet an inkhawm a ni. Inkhawmpui palai te leh Dawltu Lawngtlai lamin kawng hrang hrang-ah lawmthusawi tur a tamn thu leh Inkhawmpui hlawhtling tak an neih thu an report a. Thupui leh thuchah te, Mimal rawngbawlna hrang hrang leh Zaipawl, Drama, Skit bakah resource person hrang hrang te inbuatsaihna a tla tha hle bawk.

MTKP Inkhawmpui hi kum 2 danah neih thin a ni a, kum 2019-ah chuan Tlabungah neih a ni ang.  

MBKHP Hrtuaitute hmun hrang hrang Pali-ah feh chhuak

Mizoram BKHP hruaitute chu February 28, 2016(Pathianni) hmang hian Pastor bial BKHP hrang hrang paliah an feh chhuak dawn a, hetiangin:

Thorang bial BKHP Inkhawmpui hmanpuiin Upa C. Remmawii leh Pi T. Lalchhingpuii Muallianpui bial BKHP inkhawmpui hmanpuiin Pi F. Zanguri leh Pi Rosiampuii Leite bial BKHP inkhawmpui hmanpuiin Pi LH. Sangziki leh Pi C. Zonunsangi Republic bial BKHP Leadership Training neih puiin Dr. Chawngthanpari leh Pi Lalhliri Ralte.  

Lunglei South ABC Hruaitute feh chhuak

Lunglei South ABC hruaitute pawh tunkar Pathianni hmang hian an ABC huam chhung Kohhran  panga- Dawn, Sairep, Ralvawng, Tawipui North II leh Luangmual Kohhrante tlawh programme siamin ABC hruaitute an feh chhuak ang.

Mission Vengthlang bialin Pastor Quarters sa tan ta

Mission Vengthlang Pastor bial chuan mimal thahnemngaite leh bial chhung Kohhrante thahnem ngaihna tling khawmin Pastor Quarters an sa tan ta a. February 16, 2016 khan Rev.Dr. V. Laldingliana (ES, Aizawl) chuan lungphum phumin a hmun laih an zo tawh a, Headquarters atangin grant la hmu lo mahse mamawhna avangin a theih chin chin chhunzawm an tum.

BMP Meet

Tawipui North Pastor Bial BMP chuan February 26-28, 2016 hian Mualthuam South-ah Meet an nei dawn a; Biak in chhung mai bakah pawn lam infiamna chi hrang hrangin hun an hmang ang.

Jampui Sakhan Baptist Association Inkhawmpui

Jampui Sakhan Baptist Association (JSBA) inkhawmpui vawi 98-na chu Hmunpui khuaah February 25-28, 2016 hian an nei dawn a. Thupui atan Thlarau Thianghlim tih thlangin speaker atan Evan. Vanlalliana (Speaker, Revival team, Aizawl) an hmang ang.