Mizoram Baptist Federation (MBF) chuan a vawi khatna atan Lunglei Chanmari Biak inah April 25-17, 2014 hian General Conference an nei dawn a, Conference thupui atan “Inpumkhatna” (John 17:11) tih thu hman a ni ang.
(read more)
Tun kar Zirtawpni, (April 18.2014) hi Khawvel puma Kristiante ni pawimawh ber zing ami “Good Friday”a ni a, April 20 (Pathian Ni) hi Isua Krista Thawhlehna Ni (Easter Sunday) a ni bawk a. He hun ropui tak hi Mizoram Baptist Kohhran chuan serhin naktuk zan atangin Zoram pumah Kohhran hoten Good Friday leh Easter Sunday Programme kan hmang dawn a ni. (read more)
Sunday School Trainer’s Training:
Christian Education Department chuan Nimin, April 15, 2014 khan Sap Upa leh Pu Buanga Hall-ah Sunday School Trainers training a buatsaih a. Kohhran hruaitu thlan bik mi 25 vel an tel thei a, nilengin Programme tha tak an hmang.
Paithar bialah Kohhran (Fellowship) thar:
April 13, 2014 khan Paithar Pastor bial huam chhung Lower Saikah khuaah Mizoram Baptist Kohhran Fellowship a ding thar. Paithar bialah hian bialtu Pastor, Rev.H. Lalremruata leh Pro pastor Habert Rorelliana te an awm.
KNP Day Inhriatnawntir:
KNP Promoter, Pi B. Singpari chuan Nilaini (April 23, 2014) KNP Day hi KNP Unit tinin hlim taka hmang turin duhsakna a hlan a. A Ni taka hmang thei lote pawhin mahni remchan anga hmang theuh turin a hriattir a, a hman dan tur chu Ni Pawimawh Bu-a mi ang hi a ni e. (read more)
BKHP Day:
MBKHP Organiser, Pi PS.Lalhmingthangi chuan BKHP Unit tinte, May 2, BKHP Day hi Ni Pawimawh bua programme leh Tawngtairual thupui tarlan ang hian hman tur a ni tih a hriattir a. Lehkha hran hmu lote pawhin hei hi inhriattir tharna (reminder) anga ngai turin a beisei. Thupui atan “Tho la, i Pathian ko rawh” (Jona 1:16) a ni e.
Hauruang Bial - Pangtlangah:
Hauruang Pastor bial chuan Good Friday leh Easter Sunday hi P^ng-tl^ng Kohhranah an hmang dawn a, bial Zaipawlte nen an kal ang.
Bazar Pastor bial hnatlang:
(Lunglei) Bazar Pastor bial chuan April 12, 2014 (Inrinni) khan Rescue Centre, Kawmzawlah bial huapin hnatlang an thawk a. Bial chhung Kohhran 4 atangin Mistiri leh helper
Evangelist-te Programme:
Kan hriat theih chinah Evangelism programme hetiang hian neih mek a ni-
Chanchin Tha Chhuangtute - Evan. K. Lalenga - Mualthuam South
Mizoram For Christ - Evan.C. Tlangmawia - Zawlpui
Gospel Immanuel - Evan. PC.Lalrinawma -Parva
Gospel Messengers - Evan.B.Lalthanliana-Thuampui, Zawlnuam
Gospel For All - Evan.F.Lalnuntluanga - Moria, Serchhip
