AICS Valedictory Service: AICS chuan an zirlai chhuak tharte thlahna inkhawm ‘Valedictory Service’ chu April 10, 2014 hian Thanzinga Chapel, AICS Campus-ah an nei mek a, BCM Headquarters atangin General Secretary, Rev. H. Lianngaia'n a hmanpui. Pastor Bial thar hawng dawn: Zobawk South Pastor bial chu April 12, 2014 (Inrinni) hian hawn a ni dawn. Pastor bial thar hawnna inkhawm hi Ebenezer Biak inah neih a ni ang a,  Rev. H.Lianngaia, General Secretary-in inkhawm a kaihruai ang a, Rev.Dr.K. Lalrinthanga, Associate General Secretary – Mission-in Bial thar a hawng ang. (Read More..) Tumkau Pathianni-April 13:

April 13, 2014 (Pathianni) hi Kohhran ni pawimawh - Tumkau Pathianni (Palm Sunday) a ni a. He Ni hi khawvel pumah Kristiante chuan urhsun takin an hmang thin a, Mizoram Baptist Kohhran pawhin Kohhran Nipawimawh zingah telhin urhsun takin kan hmang thin a ni. Kumin Tumkau Pathianni thupui chu  ‘Lalpain a duh a ni’ (Mathaia 21:3b) a ni ang. (Read More)

Kohhran pahnih ding thar:  

Tunhnai - March leh April chhung hian Mizoram Baptist Kohhran awm ngailohna-ah Kohhran pahnih a ding thar a, hengte hi Kohhran puitling angin an function tawh a ni.(Read More)

Lunglawn Bial Seminar:

Lunglawn Pastor bial chuan April 12, 2014 (Inrinni) hian Lunglawn East Biak inah Pastoral Coordinator, Rev.R. Zohmingliana hovin Bial chhung Upa & Rawngbawltute pualin Seminar an nei.

CHS March Thla Report:

March thla chhung khan Christian Hospital Serkawn-ah inentir 1832 an awm a, an zinga 262 chu admit an ni. March thla chhung khan nau piang 39 an awm a, mitthi 8 an awm. Zaipui (major Operation) 39 leh zau tenau (minor operation) 20 an nei bawk. Thla khat chhung hian TKP, PYD leh YMA atangin thisen Unit 122 an dawng.

Head of Department & Institutions ko khawm:

Financial Year thar a lo ni ta a, kum thar atan inbuatsaih nan leh chinchang inhriattawn nan BCM General Secretary chuan Head of Deprtments/Institutions te April 16, 2014 hian Sap Upa leh Pu Buanga Hall-ah meeting neihpui turin a ko a, hei hi ngaipawimawha kal ngei turin a hriattir.

Tlabungah English Medium School thar:

Tlabung Pastor bial chuan Baptist English School (English Medium) a din thar a, April 2, 2014 khan Chawnpui vengah hawn a ni a. Primary level thleng hawn rih phawt a ni a, zirlai 80 chuang an nei nghal a, kum tin tihlen zel an tum.

Lungpuizawl Kohhran Silver Jubilee:

Mizoram Baptist Kohhran Lungpuizawl chuan April 15, 2014 (Thawhlehni) khian Silver Jubilee an lawm dawn a; he Kohhrana lo lawi tawh te leh bialtu Pastor lo ni tawh zawng zawngte an Kohhran hunpui lawmawm hmanpui tur hian an sawm.

Lawmthu sawi :

Rev. Lianchhunga Khiangte, Organiser, Prevention and Care(PAC) chuan Tûnhnaiah BCM Social Concern Department hnuaia ‘Prevention and Care’ (PAC) chuan HIV hrik pai fa nausênte hnute hnêk tûr lei nân sum eng emaw zât an dawn avangin tanpuina petu zawng zawngte chungah nausên lâwmthu a sawi .. (Read More)

Mission News: