North East India Christian Council-Women Assembly (NEICC-WA) 11th Biennial Assembly April 3-6, 2014 chhunga Mission Vengthlang Presbyterian Biak in a neih turah MBKHP hruaitute - aiawhin Pi PS Lalhmingthangi - Organiser, Dr. Chawngthanpari - Asst. Secretary, Pi H. Lalkimi- Treasurer te bakah MBKP Executive Committee member leh bial thenkhat atangin eng emaw zat an tel ang. MBKHP atang hian chanvo pawimawh nei an awm nual bawk.

AICS-ah Valedictory Service hmang dawn: 

AICS chuan an zirlai chhuak tharte thlahna inkhawm ‘Valedictory Service’ chu April 10, 2014 khian an nei dawn a, speaker atan Senate Registrar, Rev.Dr. Santano K.Patro beisei a ni. He mi hmanpui tur hian BCM General Secretary-Rev.H. Lianngaia pawh April 9 khian a kal ang.

Bial KNP Inkhawmpui:

Kan hriat theih chinah Tunkar Inrinni leh Pathianni hmang (April 4-6) hmang hian heng a hnuaia tarlan ang hian Bial KNP inkhawmpui neih a ni ang:

Lawngtlai S Bial - Bethany Biak in-ah – Speaker : Pi B. Singpari (KNP Promoter)

Pangzawl Bial - Venghlun Biak in-ah – Speaker : Rev.H.Lalengmawia (bialtu Pastor)

Thingfal Bial - Mamte Biak in-ah – Speaker : Rev.V. Lalthlamuana(bialtu Pastor)

Chawngte Bial – Shalom Biak in-ah – Speaker : Rev. Aibula Fanai (bialtu pastor)

Serkawn Bial  chuan kar hmasa – March 29-30 khan Ramzotlang Biak Inah Lalhmingmawii Chawngthu Speaker-a hmangin Bial KNP Inkhawmpui an nei tawh bawk.

Khawzawl bial Inkhawmpui:

Khawzawl pastor bial pawhin April 4-6 hian inkhawmpui an nei dawn a; Pastoral Coordinator, Rev.R. Zohmingliana speaker a ni.

Christian Education Department Zotlang Bialah:

Christian Education Department chuan April 5-6,2014 hian Aizawl Zotlang bial huapin Kanaan Biak inah Sunday School Seminar an neihpui a, Resource persons chu CED Director, Rev.V.Vanlalchhunga leh Upa F. Aihnuna, Ramhlun North te an ni a,  vawiin Pathianni hian bial chhung Kohhran hrang hrang an tlawh ang.

Lengpui Kohhran Silver Jubilee:

Mizoram Baptist Kohhran Lengpui chuan nimin, April 2, 2014 khan Silver Jubilee an lawm a; lungphun leh Monument hawnna neiin Executive Secretary, Aizawl Area, Rev.Dr.V. Laldinglianan a hmanpui a, an bialtu pastor lo ni tawhhote pawhin an hmanpui hlawm.

Republic Bial Mission Seminar:

Republic bial, Aizawl chuan April 5, 2014 (Inrinni) hian ITI Biak inah Mission Seminar an buatsaih dawn a. Rev.Dr.V. Laldingliana (ES Aizawl) leh bialtu pastor, Rev.L. Vanlalsanga ten paper an present ang.

Pu H. Lalsangliana Pension thlah:

BCM Headquarters Office-a Peon hna thawk Pu H. Lalsangliana chu April 1, 2014 aang khan pension-in a chhuak ve ta. Amah thlahna hi a thawhpuiten Sap Upa leh Pu Buanga Hall-ah an nei. Pu Sangtea hi kum 32 lai a thawk a, tunah hian a nupui leh fate 5 nen in leh lo neiin Ramzotlang Kohhranah an awm mek.

Evangelist-te Programme:

Kan hriat theih chinah BCM Evangelist-ten a hnuaia tarlan ang hian rawngbawlna an nei mek hlawm:

Exodus team (Speaker: Evan. Lalrosiam Hnamte)  : New Jerusalem, Thenzawl-ah

Pathian hnathawhpuitu (Speaker: Evan. Lalphunga) : M. Kawnpui-ah

Chanchin |ha Chhuangtute  (Speaker: Evan. K. Lalenga) :  Mualhuam South-ah

Mizoram Evangelical Ministry (Speaker: Evan. R.L.Thianghlima) : Thingsai -ah

Ambassador for Christ  (Speaker: Evan. K.Lawmsanga) : Madanrting, Shillong-ah

Mizoram For Christ (Speaker: Evan.Tlangmawia) : Bawrai, Zawlnuam-ah

Gospel Messengers (Speaker: Evan.B.Lalthanliana) : |huampui, Zawlnuam -ah

Gospel For All (Speaker: Evan.F.Lalnuntluanga) : Khawnglung, Bungtlang -ah