General Secretary leh Pastoral Coordinator Lungrangah

BCM General Secretary, Rev.H. Lianngaia leh Pastoral Coordinator, Rev.R. Zohmingliana te chu Mizoram Baptist Kohhran Biak in Siloam, New Lungrang naktuk,  February 15, 2014 –a hawnna Programme- hmanpui turin an kal dawn. He Biak In sak thar hi Rev. H. Lianngaia, General Secretary-in hawngin Zanin atanga Pathianni zan thleng inkhawm leh Inpawlhona Programme siam a ni. Anni pahnnih hian Pathianni chamin bial chhung Kohhran hrang hrangah rawngbawlna an nei zui nghal dawn a ni.

....................................

Kristian Hospital Ni-February 16

Tun Pathianni, February 16, 2014 hi  Mizoram Baptist Kohhran ni pawimawh, Kristian Hospital Ni a ni a, BCM Biak In tinah he Ni pual hian hun hman a ni ang. (Read More)

....................................

MBKHP Rorel Tiak ta:

      Mizoram Baptist Kohhran Hmeichhe Pawl (MBKHP) Rorel Vawi 64-na chu nimin khan Zotlang North, Lunglei ah neih a ni a, Rorel palai 440 an kal a, Inkhawmpui neih loh kuma Rorel Palai kal that ber tum a ni. Hengte hi an thu passed te chu an ni:

……………………..

AGS Service hovin Church Growth Seminar

Zobawk Pastor bial chuan nimin February 15, 2014 (Inrinni) khan Zobawk Bazar Biak inah Rev. Lalbiaksanga Chinzah, AGS itc Service hovin Church Growth Seminar an nei.

....................................

BCM Chanchinbu Editor-te inhmukhawm dawn

Mizoram Baptist Kohhran chanchibu hrang hrang – (Official Organs) Kohhran Beng leh Baptist Today te, Department/FOD Chanchinbu hrang hrang- Missionary Tlangau, |halai Entu, Loisi leh Naupangte |hian Editor te chu Vawiin February 14, 2014 chawhnu dar 1:00 hian Sap Upa leh Pu Buanga Hall-ah AGS i/c Service, Rev. Lalbiaksanga Chinzah hovin an inhmukhawm dawn a, hmasawnna tur nia an hriatte an sawihoin titihona an nei ang.

....................................

Chaltlang Lily Vengah Baptisma chang

Tun hnaia ding thar Mizoram Baptist Kohhran Chaltlang Lily veng chuan BCM kalphung zawh zelin Upa leh Rawngbawltu thar eng emaw zat lak luh an ni a; Pathianni kal ta, February 9 khan mi 65 te ringtu baptisma chantir an ni.

....................................

MTKP Rorel tlangpui

Tarlan tawh angin Mizoram TKP chuan February 6,2014 khan Aizawl Ramhlun South Biak inah ro an rel a. Rorel member 404 an kal:  MTKP Rorel Minute 

 ............................

Lawngtlai Area TKP Meet

Lawngtlai Area huam chhunga TTKP te chuan February 14-16, 2014 hian Chanmari Biak inah Area TKP Meet an nei mek a, MTKP hruaitu-ten (Organisers hovin) an telpui. Lawngtlai Area huam chhungah hian Pastor bial 16-ah TKP Unit 81 awmin member 6038 an awm.

....................................

CBC Workers Retreat

Chakma Baptist Church hnuaia missionary zawng zawngte pualin  February 14-16, 2014 hian Tuichawngah Workers Retreat an nei dawn a, speaker atan Worship & Music Director, Rev.KV. Thanga an hmang ang. He retreat-ah hian CBC leh Chakma Mission hnuaia thawktu zawng zawngte tel vek  tura hriattir an ni.

 ....................................

BBC Assembly

Bru Baptist Church (BBC) chuan February 13-16, 2014 hian an headquarters Damparengpuiah Assembly an nei mek a. BCM Hqrs. Office atangin AGS itc Mission, Rev.Dr.K. Lalrinthanga te, Mission Coordinator, Rev.B. Lalrinawma  leh Executive Secretary, Aizawl Area Rev.Dr. V. Laldingliana ten BBC Assembly hi an hmanpui a. Assembly lai hian an Headquarters Office leh thawktu Quarters te an hawng nghal ang. BBC-ah hian tunah member 17,700 zet an awm tawh a, Tualchhung Kohhran 95 lai an tling tawh bawk.

....................................

WorkCamp

Kar hmasaa kan tarlan Betbuniya-a Sikul building zauh hna thawka Workcamp neite khaLawngtlai Chanmari BMP ni lovin Lawngtlai Electric Unit BMP zawk an ni e.

.....................................

Thilpek Hlan

Pu C. Lalnghinga te chhung Ram-zotlang Kohhrana mi te chuan CBC Vairawkai Kohhran hman tur lecturn leh Pangpar khawina an leisak a, kan missionary, Pu R. Laldinpuia te chhung an lawm hle.

...................................

Missionary Furlough

Tunlai hian kan missionary 3 lai furlough programme hmang an awm mek a, chungte chu Pu Daniela Hnamte (Sikkim), Pu John F. Zonunsanga (Tripura) leh Pi Saizami Sailo (RCM) te an ni.