Kohhran History ziak Mek
BCM Publication Board chuan Mizoram Baptist Kohhran chanchin chipchiar leh belhchiandawl ziak turin Team of Editors a ruat a; tunah hian hma an la tan mek. Team of Editors te chu- Rev.PC. Liandula (Convener), Rev. C. Ngurhnema, Rev.Dr. Raltawnga, Rev.H. Sangchema leh Upa KMS.Dawngliana te an ni.
Jubilee Bible School hmasawnna
Mizoram Baptist Kohhran Relrelna sang ber, Assembly 2010 leh Planning Commission 2010-in a lo ruahman angin Mizo tawnga Pathian thu zirna tur, Jubilee Bible School tia phuah chu kum 2014 atanga tan turin tunah hian infrastructure leh zirlaibute buatsaih mek a ni a, chak taka hma lak a ni. Office leh Class room tur hi BCM Office Block II Building chung ber-ah sak mek a ni a; JBS-ah hian Certificate in Bible Studies Course tih chu bul tan nan hman a ni ang a, course rei zawng chu thla ruk a ni ang. Bul tanna-ah hian zirlai 20 tan seat siam phawt a ni ang. zirlaibu hi Rev.C. Ngurhnema leh Rev. Lalthangliana Hnamte te kaihhruainain ngawrh takin buatsaih mek a ni bawk.
Diltlang bialah Music & Solfa Camp
Diltlang Pastor bial chuan July 9-11, 2013 hian BCM Worship & Music Committee nen tangkawpin Music & Solfa Training Camp Diltlang Kohhranah ย an nei mek a. He Seminar hmanpui tur hian Lunglei atangin Pu C. Lalremsiama, Rahsiveng leh Pu Chawngrolura Chawngthu, Venghlun te an kal
