SIM International Director lo kal

Tunkar,  May 18, 2018 hian Serving in Mission (SIM) International Director lo kalin chawhnu lamah BCM General Secretary Room-ah BCM hruaitute nen inkawmhona hnun an hmang a, BCM nena thawhho zel dan tur leh rawngbawlho dan tur te an sawi a ni. SIM leh BCM hi Mission Partner niin hun rei tak an lo thawk ho mek a, BCM leh SIM thawhhona atang hian Foreign leh India ram chhungah Missionary engngemawzat BCM hian a tir chhuak tawh a, thawhhona thuthlung tha tak nen hun rei tak an lo thawk ho tawh a ni.

BCM Account Audit mek

Tun kar, May 14, 2018 atang khan BCM Account 2017-2018 chu Internal Auditor ten an audit mêk a, Headquarters/Departments leh Institution hrang hrang bakah  Ram chhunga  Mission School te, Aizawl leh Lawngtlai lama Accounts te pawh Audit mek an ni. Karhmasa khan Pu K. Lalrohlu-a, Finance Manager hovin Aizawl Accounts a enfelpui hnu-ah  Lawngtlai lam Accounts  enpui turin thawhlehni  khan  Upa R. Lalbiakmuana, Asst.Account Officer nen an kal leh nghal a, vawiin hian zawh hman an beisei.

Sunday School Training/Campaign

May ni 18-20, 2018 chhung hian Rev. Pc.Liandula, Christian education Director chu  Darzo leh S.Vanlaiphaiahah Sunday School Training/Campaign neiin a feh chhuak ang.

KNP Inkhâwmpui

Tun kar, May ni 19-20, 2018 hian Vaisam Pastor Bial KNP chuan ‘Thianghlimna” tih thupui hmangin  Inkhawmpui an nei dawn a, Rev. P. Roluahpuia, Bialtu Pastor speaker a ni ang.

BMP Inkhâwmpui

Tunkar, May ni 18-20 chhung hian Bungtlang Pastor Bial BMP Inkhawmpui chu BCM Bungtlangah neih a ni dawn a. Head Qrs atangin Rev.KV Thanga, Director FOD in a hmanpui ang. May ni 25-27 chhung hian Muallianpui Pastor Bial BMP te chuan  Muallianpui S-ah inkhawmpui an hmang ang. Rev.KV Thanga, Director FOD-in a hmanpui ang.

Evangelism Programme:

#Hrangchalkawn Kohhran-ah Crusade neih zawh a nih hnuin, BCM Vemghlun Lungleiah Special camp neih an leh a ni ang. Speaker Rbt. Pl Sanglura, Invader for God Team.

#Thiltlang Kohhran-ah Crusade neih mêk a ni. Speaker, Pi Remsiampuii, Krista Khawngaihte Team.

#Lawngtlai. LIKBK CENTRE CHURCH. Bazara rawngbawlna kal zêlah thawhtan atang khan hruaitu camp neiin thawhlehni tlaiah vangtlang camp-in chhunzawm leh a ni. Speaker, PC Lalrinawma, Gospel Imanuel Team.

#Peniel kohhran, Hnahthial-ah Camping neih chhunzawm chhoh zel a ni. Speaker, Upa F. Lalnuntluanga, Gospel For All Team.

#Thiltlang Kohhran-ah Crusade neih mêk a ni. Speaker, Pi Remsiampuii, Krista Khawngaihte Team.

#May ni 19 atanga N. Khawbunga rawngbawlna nei turin Chanchin Tha chhuangtu Team te an kal leh ta. Speaker, Upa K.Lalenga.

#Chawnpui Kohhran-ah Camping chhunzawm zel a ni, Speaker,  LH Vanlalmawii, Ebenezer Ministry.

#May ni 25-June ni 3 chhung hian Madanriting, Shillong-ah Camping neih a ni. Speaker Rev.F.Sangvela. ...........................

BCM Hqrs tlawh

Kar hmasa May 12&13, 2018 khan Saitual Pastor Bial chhunga Kohhran hrang hrang 6 atangin member 26 te chuan an Biltu Pastor, Rev. K. Lalmuanpuia hovin BCM Headquarters Office, Serkawn  leh BCM hmunpawimawh te an rawn tlawh a, BCM hotu ten lo dawngsawngin an hlimin an hlâwkpui an inti hle. Tun tuma Saitual Bial – Headquarters visit programme hi Rahsiveng Kohhran bultum leh an senso te an tum sak a ni.