Communication Campaign

Tunkar Pathianni (June 4) hmang hian BCM Communications Department chuan Zobawk ‘S’ Pastor bial chhûng Kohhran pathumah Communication campaign an nei dawn a. Ebenezer Biak In-ah Rev.LB Khawpuimawia, Director-in hun a hmang ang a, Zobawk Venglai Biak Inah Rev.C.Lalbiakzâma, Executive Editor leh Horeb, Zobawk-ah Rbt.Vanlalruata Kawlni, Manager AV-in hun a hamng thung ang. Chawhnuah Ebenezer Biak Inah Kohhran Beng leh Baptist Today Agent-te leh Upa leh Rawngbâwltute inpâwlhona neih a ni ang a, Upa H.Lianchhûngi Circulation Manager-in a kaihruai.

Pentecost Ni – June 8

Tunkar Pathianni, June 4, 2017 hi Thlarau Thianghlim thlen champha phak (Pentecost Ni) a ni a. He Ni hi khawvel pumah Kristian te chuan urhsun takin kan hmang thin a. Mizoram Baptist Kohhran pawhinin he ni hi Special Sunday atan kan hmang thin a ni. Kuminah pawh he ni hi Kohhran hrang hrangah urhsun taka hman a ni leh dawn a. Kumina Pentecost Ni thupui atan Tirhkohte 1:8  - “Thlarau Thianghlim chu in chunga a lo thlen hunah thiltihtheihna in la nei ang,” tih thu hman a ni ang. Read More:

Sunday School Programme

Tunkar Inrinni (June 3, 2017) hian Aizawl City Church chuan Sunday School Training an buatsaih a ni dawn a, Resource Person-ah Rev. Pc. Liandula, Christian education Dept. Director a ni ang. Pathianni tuk-ah Penticost Ni Progamme hmanpuiin thuchah a sawi nghal ang.

BHSS Gospel Meeting

Baptist Higher Secondary School, Serkawn chuan May 31–June 2, 2017 chhûng hian Gospel Meeting an nei mek a, an tam deuh avângin hmun hnihah inthenin, Serkawn Biak In leh Tucker Hall-ah a rualin neih a ni. Speaker-ah Rev. K.Lalbiakênga, Organiser PAC leh Rev. V.Lalthlamuana, Thingfal te hman an ni.

BKHP Unit Dialong-ah

Serkawn BKHP Unit member 26 te chuan an Kohhran châwm Missionary, Tv.H. Lalruatfela thawhna Dialong Village, Tripura chu tlawhin Vawiin June 1, 2017 hian Serkawn an chhuahsan ang a, June 6 thleng an champui ang.

Chhawmdâwlna In tan Water Cooler pe

Serkawn Pastor Bial BKHP chuan ni May 29,2017 khan MBKHP Chhawmdâwlna In, Meltea awmte hman tûrin Water Cooler (Tui tihvawhna) 40 litres Rs 28,500.00 man an pe. Chhawmdawlna In thawktute leh MBKHP hruaitute an lawm hle.

Evangelism Programme

#Chhandamna Beihpui: TKP Zobawk North Unit chuan June 1-15 chhung hian chhandamna beihpui an thlak dawn a. Workshop, Open air Service, Home visit leh Counselling class te an nei thin ang. Hem chhung hian Biak in hallah counselling centre hawn a ni ang a. Zan tin dar7-dar8.30 Home visitin Thlarau bote class kal turin an chhuak ang a, chutih laiin Biakin ah țawngțai an lo nei zel dawn a ni.

#ICI Sakawrdai–ah an Bial (Presbytery) huap leadership leh Revival programme neih a ni a, Rev.F.Sangvela, Speaker-ah hman a ni.

#Chanchin Tha Chhuangtute Team chuan Campers Re-Union, Maubawkah tûn chawlhni hmang hian an nei mêk a ni. Speaker Upa K.Lalênga.

#BCM Saitual ‘S’-ah ni 29 May 2017 a\ang khan Camping chhunzawm a ni, Speaker Pi LH. Vanlamawii, Ebenezer Ministry Team hman an ni.

#BCM Vaivakawn Aizawlah Upa leh Rawngbawltu camp, ni 1-3 June 2017 chhûng khân neih a ni a, kar leh a\angin FOD hrang hrang pualin neih zui a ni ang. Speaker Upa F.Lalnuntluanga, Gospel for All Team te hman an ni.