AGS Mission Programme(Edited):
Rev. Dr. C. Vanlaldika, AGS i/c Mission chuan tun weekend (April 1-2, 2017)hian Buarpui 'S' Bial, Dengsur-ah Mission Convention a neihpui ang a, hemi zawh hian Tripura Field-tlawh turin kar leh thawh tan, khian a kal nghal ang a, Tripura-ah hian kar khat ve zet chamin BCM Mission rawngbawlna hmun hrang hrang te tlawhin Missionary te kawmin rawngbawl dan te leh hmasawn zel dan tur te a sawipui dawn a ni.
R&D Thlai chi Pack[/caption]
R&D-in Thlai Chi ti thleng:
#BMP Retreat:
Lunglawn Pastor Bial BMP chuan ni April 4, 2017 hian BCM Biak In, Salem, Lunglawn-ah Retreat an nei dawn a, Speaker-ah Rev. Lianchhunga Khiangte, Organiser MTKP hman a ni ang.
#TKP Bial Inkhâwmpui:
March 31 April 2, 2017 hmang hian S.Vanlaiphai Pastor Bial TKP chuan “A chhe lai siamthatu” tih thupuia hmangin Vêngpui Kohhran, S.Vanlaiphai -ah Inkhawmpui an nei dawn a. Speaker-ah Rev. Lianchhunga Khiangte, Organiser MTKP an hmang ang.
#Evangelism Programme:
# BCM Maubawk Aizawlah March ni khat atangin Camping neih tan a ni a, Speaker, Upa K. Lalênga, Chanchin Tha chhuangtu Team hman a ni. Tawngtaipui ang u.
# BCM Electric Pastor Bial Tleirawl Meet April ni 1&2 hian neih a ni. Resource Person Tv Lalhriatpuia Chawngthu, Horeb Ministry. Horeb Ministry hian April ni 3 atangin BCM Chanmari Vengthlangah Camping an neihpui nghal dawn a ni. Tawngtaipui ang u.
#Silver Jubillee lâwm:
Chawlhmun TKP Unit Aizawl chuan ni 28-29 March 2017 hian an Unit kum 25-na (Silver Jubilee ) lawmna leh Pathian hnêna lâwm thu sawina hun ang hmang dâwn a. Thupui-ah "Ka thlarau zâwkin le" tih a ni ang a, Speaker-ah Rev. Lianchhunga Khiangte, Organiser MTKP hman a ni ang.
#Doctor-te Pension hun kum 65-ah:
Assembly 2017 chuan BCM Rules-a 'Hnathawktu chawlh hun (retirement)' tih chu siam thain Doctor-te pension hun tur atân kum 62 ni tawh lovin, kum 65 ni tawh se tih chu lungrual taka pawm a ni.
#Zirna sâng zâwka kal turte:
BCM hnuaia Pastor hêngte hian zirna sâng zâwkah kumin June thla atangin bul an tan ang.
Rev. James Chuaukailiana - Doctor of Theology (D.Th) - UTC Bangalore
Rev,LH.Lalremruata - Master of Theology - UTC Bangalore
Rev.F.P Lalnunrema - Master of Theology - UTC Bangalore
#Pastor insawn hnai zualte:
Pro. Pastor Vanlalnghaka Jongte chuan March 20, 2017 khan Vairengte Bialah Bial Incharge nihna a la. Rev. C.Lalbiakzual'n ni 22nd March 2017 -ah Thorang Bialah a lût. Rev.Tc.Vanlalzuia chu March 23, 2017 hian Hrangchalkawn Bialah a lût bawk. March 24, 2017 khan Rev.R.Lalthanmawia Zotlang (Azl) Bial-ah, Rev. C. Lalhmangaihzama Tuiphai Bial-ah Lengpui-ah a pension hma, June 30, 2017 thlengin Lengpui Bialtu pastor a pui (assist) ang. Rev.PC.Zosanglian'n March 28, 2017 hian Mamit Bial a lût bawk. Hlim taka rawngbâwlna an chhunzawm zêl theih nân tawngtaipui zêl ang u.
#Shillong Pastor Quarter sa mêk:
Shillong Pastor Quarter atân Baptist House, Laitumkrah-a mi chung zawm (Vertical extention) -in sak mêk a ni. Shillong Baptist House hi Bialtu Pastor enkawl pah hi tûl hlea hriat a ni tawh a. Nimahsela, chung lama sak zawm hi duh viau thîn mah ila, thenawm ten No Objection min sign sak duh loh thin avângin hma kan la thei lo thîn a ni. Tûnah hian a dung ft 90, a vâng ft 40 vêlin sak mêk a lo ni ta a, kumin June vêl hian luah hman theih an inbeisei.
