#Biak In hawng BCM Biak In Bungtlang 'S' chu ni 11th Jan.2017 khan hawn a ni a. A hawngtu atan Rev. R.Lalbiakliana, Executive Secretary, Lawngtlai an hmang a ni. Missionary Day hmang nghalin hlim takin ruai nen lawm a ni. E.S hian Bungtlang Programme zawh hian Vathuampui Pastor Bial a fangkual nghal bawk.

#Kohhran ding thar January 4, 2017 khan Chhiahtlang khuaah Baptist Church of Mizoram an ding thar ve a, tunah hian members 70 vel an ni mek. Kohhran hlung leh Thlarau Thianghlim luah tlat Kohhran an nih theih nan i tawngtaipui zel ang u. Bilkhawthlir Kharzawl vengah BCM Kohhran pahnihna atan ni January 8 khan din thar a ni bawk a, tin, Vairengte Bial Phaiphengah Fellowship thar a ding ve leh ta bawk.

#Missionary Day hmang NMizorama Chanchin Tha lo thlenna ni (MIssionary Day) chu January 11 khan Mizoram pumah urhsun taka hman a ni a, Kohhran tam zawkah Chanchin Tha min pek avanga Pathian hnena lawmthu sawiin Ruai an theh.

#Rev.F.Sangvela Manipur lamah January 17-20 chhung hian ICI Kohhran Manipur chuan Pastor Retreat, Hmarkhawlianah an nei dawn a, Speaker atan Rv. F. Sangvela an sawm angin a kal ang.

#Campers Reunion Crusade: January 14-15 hian Ebenezer, Zobawk chuan Camper’s Reunion Crusade an nei mek. Speaker atan Upa F. Lalnuntluanga, Gospel for All Team an hmang

#Camping nei mek: Dapchhuahah Khawngaih Rawngbawltute Team chun an Speaker Tv Lalramnuna hovin Camping an nei mek.