Mission Field Account Audit

BCM Mission Field -a Mission Field Director account leh School Account te chu tunkar -May 25-28 chhung khan Baptist House, Shillong-ah audit mek a ni a. Mission Field Director te leh School Headmaster te bakah Mission Field Account enkawltute Shillongah hian an kal khawm a ni. Mission Field Account Audit tur hian Headquarters atangin Rev. Dr. C. Vanlaldika, AGS i/c Mission hovin Pu K. Lalrohlua, Finance Manager leh Upa R. Lalbiakmuana, Asst.Account Officer leh Pu V. Kapzauva, Auditor te an kal. Tunkar hian zawh hman an tum dawn a ni.

Hotu thar te pual Orientation

Tunkâr Thawhtanni (May 23,2016) khan kum 2016-2019 atana BCM hruaitu thar-te pualin Orientation ni khat awh neih a ni a. Orientation hi Rev. Lalthangliana Hnamte, BCM President leh Rev. H. Lianngaia, President Elect ten an kaihruai a. BCM hruaitu - General Secretary, Associate General Secretaries leh Head of  Departments & Institution Heads te an tel tha hle. He hunah hin BCM kalphung hrang hrang te, Kohhran inenkawl dan leh Office kalphung te an zirho a ni.

G.S Programme

BCM General Secretary Rev. F. Ramdinmawia chuan tunkar Inrinni (May 28, 2016) hian Sekhum Kohhran Biak In thar a hawng dawn a. Sekhum Kohhran hi Mualthuan ‘N’ Bial-ah awmin member za chuang hlek an ni.  G.S hian Pathianni zing inkhawm-ah Bazar Kohhran-ah thu a sawi ang a, Pathianni zan inkhawm-ah Ramzotlang Kohhran-ah TKP Ramthim Ni pual Programme hmanpuiin thuchah a sawi bawk ang.

Worship & Music Programme

Champhai Pastor Bial chuan May 24 atang khan Worship & Music Seminar, Bethani Kohhran, Champhai-ah an hmang mek a. He Seminar resource person tur hian Hnahthial atangin Conductor Rbt. VL Hruaia Pachuau leh a thiante an kal a. Zirtawpni atang khan FOD Director, Rev. KV Thanga’n a telpui ve leh bawk. He progamme hian zanin thleng a awh ang.

Bial TKP Meet

Bazar Pastor Bial chuan Rev. Lianchhunga Khiangte, Organiser, MTKP Speaker-a hmangin nimin leh vawiin (May 28-29) hmang hian Kikawn Kohhran-ah Meet an an nei mêk.