Tunkar Zirtawpni leh Inrinni (May 12-13, 2016) hian United Christian Prayer for India (UCPI) National Youth Leader's Meeting Hyderabad-ah neih a ni a, he meeting-a tel tur hian Baptist thalai aiawh an rawn sawm angin MTKP lam atangin V. Rokhawlkima, Asst. Secretary leh Nl. Zothantluangi Khiangte Fin. Secy te an zu tel a ni. He meeting-ah hian India rama Kohhran hrang hrang thalai hruaitu thahnem tak an tel dawn a ni.
BCM leh UCPI te hian kar hmasa lawk khan rawngbawlna tura thawhhona thuthlung(MoU) an lo ziak nghe nghe a ni. Tarlan taw hang khan UCPI hi India ram pum huapa tawngtaimite inzawmkhawm an ni a, Kohhran pawl bik sawi lovin India ram tana tawngtaia mi inpete thawhhon (Tawngtai Pawl) a a ni.
Medical Supt.Vellore-ah:Dr. B. Laldinliana, Medical Superintendent chu MBBS/BDS Entrance chungchangah CMC Vellore Special Meeting May 14,2015-a neih-a Vellore-a neih turah a tel dawn a, karleh lamah a lo haw leh nghal ang.
JBS Retreat:Jubilee Bible School chuan tunkar zirtawpni (May 13, 2016) hian lecture Hall-ah nilengin Retreat Programme an hmang dawn a. Speaker-ah Rev. LB Khawpuimawia, Communications Director an hmang ang.
AGS i/c Service - Chhipphir-ah:Rev. R. Zohmingliana, AGS i/c Service chu tun weekend (Inrinni leh Pathianni) hmang hian Chhipphir-ah a kal dawn a. Inrinni-ah Chhipphir Kohhran School a enpui ang a, Pathianni lamah Kohhran tlawh programme a hmang zui nghal ang.
Evangelist rawngbawlna:Mizoram for Christ Team (Speaker Upa C. Tlangmawia) te chuan tunlai hian Kikawn Kohhran-ah Camping leh Crusade programme an hmang mek a, Kohhran an hlim hle.
