Tuiphai Pastor Bial TKP chuan S. Chawngtui-ah tunkar Zirtawpni zan atang hian Bial TKP Meet an hmang dawn a, Pathianni zanah an tiak ang. MTKP Organiser, Rev. Lianchhunga Khiangte-in Meet hi a hmanpui dawn a ni.

BCM Finance Manager Pu K. Lalrohlua chu kar hmasa Inrinni, April 30 khan kar khat cham turin Guwahti ah a kal a, a programme ang chuan tunkar zirtâwpni hian lo haw leh tûra beisei a ni. Guwahati-ah hian Income Tax Assessment chungchang a zu buaipui a ni.

Sunday School Prorgamme #Serte Pastor Bial chuan Inrinni, May 7 khian Sunday School Training Serte-ahan hmang dawn a, Headquarters atangin Christian Education Department Director Rev.Pc.Liandula a kal ang. Pathianni chamin hun a hman chhunzawm ang.

#Farmveng Kohhran pawhin Inrinni vek hian Sunday School zirtirtute pualin Sunday School Seminar an nei dawn a, Headquarters atangin Sunday School Promoter, Pi H. Lalkimi’n a hmanpui thung ang.

Chanmari Pastor Bial chuan “Aw ka nunna Lalpa chu fak rawh” tih thupui hmangin Ramthar Biak Inah naktuk (Zirtâwp) zân atang hian Zai kutpui programme an hmang dawn a, Pathianni zanah an tiak ang. Inrinni-ah TKP Junior group pualin progamme an hmanpui ang a, Zan lam leh Pathianni nilengin Kohhran pumpui huapin hun an hmang dawn a ni.

# Venghlun Kohhran-ah Gospel for All Team (Speaker :Upa F.Lalnuntluanga) ten Camping leh Crusade Programme an nei mek a, May 2-6 chhung khan KNP pual Camping neiin May 6-7 chhungin Kohhran pum huap Camping an nei. Crusade-in an chhunzawm leh mêk.

#Tawipui South TKP chuan May 6-8 chhung hian Camping & Crusade Progamme an buatsaih bawk a, Speaker Rev. F. Sangvela an hmang. Zirtâwp zan leh Inrinni-ah Camping hi neiin, Inrinni zan atangin Crusade-in an chhunzawm ang.

Rev.C.Lalbiakzama, Executive Editor (Kohhran Beng & Baptist Today Editor)-chu in check-up in Vellore-ah thang mêk a, tha taka a lo haw leh thuai theih nan Kohhran ten i tawngtaipui ang u.

Upa KMS Dawngliana, Kohhran Beng & Baptist Today Editor kal chhuak ta, tuna Literature Reader ni mek-chu kawngna avanga Greenwood Hospital, Aizawl-ah zai a nih hnuin dam takin a lo haw leh ta a, Office pawh a pangngaiina kai ve leh ta. Pu Dawnga hi BCM Office-ah General manager, BLP thutna thin-ah khan a thu dawn a ni.