BCM hruaitu thar ten Hqrs. an luah fel
Kum 2016-2019 chhûng atâna BCM Hruatu thar ten Charge an lak fel hnu-ah Rev. F. Ramdinmawia, General Secretary leh Rev. Dr. C. Vanlaldika, AGS i/c Mission te anmahni chhungkua leh Quarters ching fel tura an let leh hnu-ah, tun kar khân an chhungte nen Headquarters rawn lut felin, Office pawh a pangngaiin an kai ve tan ta. An Quarters luah tur chu tunhma atanga hotute luah thin dan pangngaiin hengtiang hi a ni ang:-
|
BCM Bungalow No. 2 |
BCM Bungalow No. 1 |
BCM Bungalow No.3 |
 |
 |
 |
|
Rev. Dr. C. Vanlaldika AGS i/c Mission |
Rev. F. Ramdinmawia, General Secretary |
Rev. R. Zohmingliana AGS i/c Service |
Guest House hawng
April 14, 2016 khan Khualzin vei vakte chawlh leh riah theihna tur, BCM Guest House Lengpui ami chu Rev. Dr. V. Laldingliana, Executive Secretary Aizawlin Pathian hnenah hlanin a hawng ta. He Gueast House hian VIP Room-2, (Single & Double Beded), General Room-2 (Double beded) Leh Dormitory (Mi 20 aia tam riah theih na) a keng tel a, a duh tân chaw leh thingpui order theih nghâl a ni bawk. Ngaihven duh tân BCM Office Superintendent leh Guest House enkawltu(Care Taker) Pi Lalremruati Chhangte (W/o C. Rev. Lalremmawia Bialtu Pastor-Lengpui Bial) - Ph. 9612514146 hnênah zawhfiah theih a ni.
Theological education Board Meeting
April 22, 2016 (Zirtawpni) hian BCM Theological Board Meeting, AICS, Tanhriul-Aizawl-ah neih a ni dawn a. He Meeting-a tel tur hian Headquarters atangin General Secretary, Associate General Secretary i/c Mission leh Finance Director te an kal. Tun tumah hian BD, M.Div. leh Dip.in Music zir tur lakna(interview) an nei dawn a ni.
Pastoral Coordinator Programme
Rev. V. Vanlalchhûnga, Pastoral Coordinator chuan April 24, 2016(Pathianni) hmang hian Zawlnuam Bial-ah Biak In thar pahnih - BCM Kanhmun leh BCM Collegeveng, Zawlnuam te a hawng dawn a, hemi rual hian Bial puipate nen Kohhran hmasawn zêl dan tûrah inrawnkhawmna (Consultation) an nei nghal ang.
KNP Inkhawmpui
Cherhlun Pastor Bial KNP chunan April 22-24, 2016 chhung hian “Naupangte leh Tunlai khawvel” tih thupui hmangin BCM Kalvari Biak In, Cherhlun-ah Inkhawmpui an nei dawn a. Speaker-ah Pi B.Singpari, KNP Promoter an hmang ang.
BFYI Meeting leh NCCI Youth Commission-ah MTKP
BYFI Committee Meeting, April 22-a Guwahati-a neih turah Rev.Lianchhunga Khiangte, Organiser MTKP(BYFI Secretary ni bawk) leh Pu Lalawmpuia (BYFI Exe.Comtt.Member)te an kal dawn a, April 23-25, 2016 chhung awh NCCI Youth Commission “Pre-Youth Assembly” Jabalpura neih-ah MTKP aiawhin Rev.Samuel Lalremsanga a kal thung ang. Hemi chhunzawm-a NCCI Assembly April 27-30 chhunga Jabalpur-a neih turah hian BCM aiawhin Rev.R.Zohmingliana, AGS i/c Service leh Rev. Lalhmunsanga, Field Director, Kolkotta te an kal bawk ang.
