Christian Hospital tan Dr. C. Silveran Nuai 12 a pe

Christian Hospital Serkawna Minor Operation Theatre sakna turin he Hospital-a Mizo doctor thawk hmasa ber Dr.C.Silvera chuan Cheng Nuai sawm leh pahnih (Rs.12,00,000) a pe a. hemi hmang hian Hospital Main Buildingleh OPD Building inkar-ah Operation Theature tur hi buatsaih mek a ni. Hetianga kan Hospital mamawh tak mai min rawn tihsak hi kohhran mi zawng zawng tan a lawmawm takzet a ni.

AGS i/c Service Vaisam bialah

Associate General Secretary i/c Service, Rev.Lalbiaksanga Chinzah chuan tunkar Pathianni March 5, 2016 hmang hian Vaisam bial a tlawh dawn a, Vaisam Kohhran leh Chithar Kohhranah hun a hmang ang.

Missionary CT. Lalruatthangan hnenah B.Min. degree hlan

Carson Theological College & Seminary chuan BCM Missionary, tuna Damparengpuia thawk mek Pu CT. Lalruatthanga hnenah B.Min. (Bachelor of Ministry) honorary a hlan. Pu Ruatthanga Baptist Today-in kan lawmpui e.

Ramhmul damdawi Training

BCM Relief & Development Department chuan February 29- March 5, 2016 chhungin Pukpuiah Ramhmul damdawi Training an buatsaih a; Resource person atan Germany atangin Dr.Hans Martin, Action for Natural Medicine leh Canada atangin Stuart Stand te an lo kal.

District Jail-ah Crusade

Rahsiveng Pastor bial Committee chuan March 5-6, 2016 hian Lunglei District Jail-ah Crusade an buatsaih dawn a, Rahsiveng bialtu pastor, Rev. LB. Khawpuimawia chu speaker a ni ang.