BCM- R&D-in Rial Denchhiat te tanpui:
Bungtlang khua a chenna in Rialin a denchhiatte tanpui nan Baptist Church of Mizoram, Relief & Developement Deptt. chuan May, 2015 khan Emergency relief fund atangin chhungkaw 32 hnenah Rangva a sem tawh a. June 23,.2015 khan a thawh hnihna atan chhungkaw 120 hnenah Rangva engemawzat a sem leh a ni.
CMC Vellore Council Meeting-ah tel:
Christian Medical College (CMC) Vellore Council meeting- vawiin leh naktuk (June 25-26, 2015) -a neih mekah BCM aiawhin AGS i/c Service, Rev.Lalbiaksanga Chinzah leh Medical Superintendent, Upa Dr. B. Laldinliana chu member an nih angin an tel ve.
BCM Sponsored turin MBBS-ah Sarah Lalthlamuanpuii Pachuau
Sarah Lalthlamuanpuii Pachuau d/o Upa Lalchangkima, Tlangnuam Aizawl chu BCM sponosred-a MBBS zir turin thlan a ni. Tunah hian Class an kal tan tawh.
MBKHP hruaitute M. Kawnpuiah
Mizoram BKHP hruaitute pahnih Pi PS. Lalhmingthangi leh Upa C. Remmawii te chu June 27-28, 2015 a M. Kawnpui Unit BKHP Golden Jubilee lawmna telpuiin an kal ang.
MTA Seminar Lungleiah:
Mizo Theological Asscociation (MTA) chuan June 26, 2015 khian Lunglei Chanmari Biak inah Council of Churches in Mizoram thupui hmangin Seminar an buatsaih dawn a. He Seminar-ah hian Mizorama Kohhran pawl hrang hrangte inunauna leh thawhhona tichak tura Council of Churches in Mizoramย din chungchang sawiho a ni ang. Aizawl lam atanga MTA hruaitute leh Lunglei khawpui chhunga Kohhran hruaitute an kal khawm dawn a ni.
