Academy of Integrated Christian Studies chuan January 27-30, 2015 chhung hian Senate of Serampore nen tangkawpin National Seminar on Human Sexuality, AICS Campus, Sekkina Hill, Aizawl-ah a buatsaih a. He seminar-ah hian India ram hmun hrang hrang atanga mi thiam thlan chhuah mi pasarih thuziak zirho anih bakah BCM atangin President Elect, Rev.C. Ngurhnema leh Aizawl Area ES, Rev.Dr.V. Laldingliana ten an hmanpui. Seminarah hian sawm bik mi 60 vel an tel.
Field Director 2 Tirchhuak dawn
Mizoram Baptist Kohhran chuan Missiona Field thar atana Field Director atana lak thar mi pahnihte chu Tunkar Pathianni, February 1, chawhma dar 10:00 khian Lawngtlai BazarBiak in-ah a tirchhuak dawn ta. Field Director tirhchhuah turte chu Rev. Lalhmunsanga, (Kolkota Field) leh Rev. R.Lalmuanzuala, (Arakan Field) turte an ni. Tirhchhuah inkhawm hi Lawngtlai ES, Rev. F. Ramdinmawian a kaihruai ang a, BCM President, Rev. H. Sangchema’n a tir chhuakin, AGS i/c Mission, Rev.Dr.K.Lalrinthangan thuchah a sawi ang. Continue reading →
Lawngtlaiah Mission Consultation
Mission Department bultumin tunkar Inrinni, January 31, 2015 hian Lawngtlai khawpui chhung Pastor bial pathum - Lawngtlai South, Lawngtlai East leh Lawngtlai North Bial huam chhunga Kohhran hrang hrangte huapin Bazar Biak inah Mission Consultation an nei dawn a. He Consultatioh hi Rev. Dr.K.Lalrinthanga, AGS i/c Mission-in a hmanpui ang.
2015 MTKP Rorel chu karleh Ningani, February 5, 2015 khian Mizoram Baptist Kohhran Biak In, Rahsiveng, Lungleia neih a nik dawn a, hemi atan hian MTKP Headqurters leh a dawltu Unit te pawh an inpuahchah mek a ni. Rorel hi dar 10:00 Am –ah tan a ni ang a, Rev. R. Lalbiakliana, MTKP President-in Rorel hi kaihruaiin MTKP Organiser, Rev. Samuel Lalremsanga’n Report a pe ang. Hemi atan hian MTKP chuan bial leh unit tin atanga rorel palai te kim taka kal turin a chah a, Thlen kim zan (Nilaini zan)-ah Palai Lawmna Inkhawm programme hetiang hian siam a ni. Continue reading →
BCM pawmpui Pathian Thuhriltu Pawl (BCM Recognised Evangelistic Team) te chuan February 6-8, 2015 chhung hian Zotlang (Lunglei), Biak in ah Conference an nei dawn a; He
Conference Thupui atan hian “Pathian thuruk enkawltu” tih a ni ang. Tlenkim ni (Ningani)zan atangin Vantlang Inkhawm tan a ni ang a. Zirtawp leh Inrinni nilengin Seminar neih thin a ni ang a, zan lamah Vantlang inkhawm a awm zel ang. Pathianni-ah Vantlang Inkhawm awmin Chawhnu lamah pawh Inpawlhona leh Zan lamah Vantlang Inkhawm a awm leh dawn a ni. Tunah hian BCM hian Recognised team 47 a nei mek a; Conference-ah hian Team tin atangin a duh apiang kal theih a ni ang a, amaherawhchu Speaker telin member 5 te tan TA/DA pek theih an ni thung ang. Continue reading →2015 Beirual Thuzir tur thlang fel
BCM Publication Board chuan kumin Beirual Thuzir atan Mizoram Kristiante leh Tunlai khawvel tih a thlang a; zirlai 10 awmin a ziak turin Pastor pahnih leh Kohhran Upa pahnih a ruat nghal bawk. Kum dang ang bawkin kuminah pawh Beirual hi September thla-ah neih a nil eh ang a, September thla chawhnu lam-ah thuzir hi Kohhran tinin an zir leh dawn a ni.
Christian Edn. & Comm Dept. fehchhuak
Tunkar Inrinni leh Pathianni hmang hian Christian Education Department leh Communications Department inkawp chu Kolasib bial leh Vairengte bialah an Department programme in an fehchhuak a. Cchristian Education & Communication Director, Rev.V. Vanlalchhunga hovin Pi H. Lalkimi, Sunday School Promoter leh Upa KMS. Dawngliana, Editor te an kal.
Aizawl BMP Coordination Committee hruaitu tharte
Aizawl khawpui chhunga pastor bial hrang hrang BMP te khaikhawmtu tur Aizawl BMP Coordination Committee hruaitu tur chu January 26, 2015 khan Savidge Hall, Khatlaah thlan a ni a; hengte hi kum 2015-2016 chhunga hruaitu atana an thlante chu an ni:
Chairman : C. Vanlalthanga, Kanaan Zotlang bial
Vice Chairman : Vanlalruata Sailo, Durtlang, Bawngkawn bial
Secretary : F. Lalneihsanga, New Secretariat Complex, Mission VT bial
Asst. Secretary : K. Lalrinliana, Bethlehem, Republic bial
Treasurer : R. Malsawmtluanga, Zemabawk, Zemabawk bial
Fin. Secretary : F. Lalruatkima, Electric, Aizawl East bial
Senior Adviser : Upa H. Thanzuala, Zonuam, Luangmual bial
Hnahthial North Bial TKP Inkhawmpui
Hnahthial North bial TKP chuan January 30- February 1, 2015 hian Kanaan Biak inah inkhawmpui an nei dawn a; speaker atan MTKP Organiser, Rev. Samuel Lalremsanga an hmang ang.
Missionary Furlough Programme
Tunlai hian kan missionary te zingah furlough programme hmang mek an awm nual a; Baptist Today in kan hriat theih chinah hetiang hi furlough mek leh an hun hman dan te a ni:
Mazuala te chhung Hauruang bialah, Pu Lalfakliana te chhung (AP East) Hrangchalkawn bialah an kal ang a, Nl. RL. Rosangliani’n Thingsai bial a tlawh ang a, Pu C. Thangzela te nupa (Bengal) in Luangmual bial an tlawh ang.
