Mass Evangelism nei dawn Nakum 2015-a Mizoram Baptist Kohhran Hmeichhe Pawl(MBKHP) Inkhawmpui Hnahthiala lo awm tur atan Thlarau lam inbuatsaihna pakhat atan Hnahthial khawpui chhunga Kohhran hrang hrangah a rualin November 15-23, 2014 hian Mass Evangelism Programme buatsaih a ni dawn a. Hnahthial North leh South bial huam chhungah hian Kohhran 12 a awm a, Biak in tinah Crusade/camping hi neih a ni dawn a ni. Mission Consultation Mission Department chuan Lunglei khawppui chhung ABC pahnih huapin Mission Consultation an buatsaih a. A thawh khatna chu Lunglei North ABC huam chhung Pastor bial 4- Rahsiveng, Bazar, Serkawn leh Zotlang bial huapin November 8, 2014 khan Sap Upa leh Pu Buanga Hall-ah neih a ni a, member 98 an kal. Nimin, November 15, 2014 khan Lunglei Chanmari Biak inah Lunglei South ABC huam chhung Pastor bial 4- Electric, Chanmari, Lunglawn leh Theiriat bial huapin neih a ni leh a, member kal zat kan hre hman lo. He Consultation-ah hian AGS i/c Mission, Rev.Dr.K. Lalrinthanga, Mission Coordinator, Rev.B. Lalrinawma leh Mission Promoter, Upa HS.Lalhmingthanga te thuziak zirho a ni. Read more Mission News Communications Department Ramtharah BCM Communications Department chuan tunkar Pathianni (November 15, 2014) hian Lunglei Ramthar Kohhranah hun an hmang dawn a. Zing inkhawmah Upa KMS. Dawngliana’n thuchah sawiin chawhnu lamah Kohhran hruaitute leh Fellowship hrang hrang hruaitute nen AV Manager kaihhruaiin inpawlhona an nei ang. MBKHP hruaitute Aizawlah Mizoram BKHP hruaitute mi 20 vel chuan tunkar Pathianni hmang hian Aizawl khawpui chhunga pastor bial pahnih- Bawngkawn bial leh Mission vengthlang bial huam chhunga Kohhran hrang hrang tlawhin Chawmdawlna in pualin Awareness Campaign an nei dawn. KNP Crusade November 14-16, 2014 hian Tuipui ‘D’ Kohhran chuan KNP te pualin KNP Promoter, Pi B. Singpari hovin Crusade an nei mek. Lunglawn BMP Jubilee ah tuak 24 invuan tha Lunglawn Unit BMP chuan November 12, 2014 khan Silver Jubilee an lawm a; nilenga hun an hman bakah Jubilee pual hian an kohhran huam chhunga nupa tuak 24 zet chu an bialtu pastor, Rev.R. Lalbiakiana kutah an innei tha. Kânhmun Khuaah Baptist Kohhran ding thar Zawlnuam Pastor bial huam chhunga Kânhmun khuaah November thla tir khan Mizoram Baptist Kohhran a ding thar a; a hmingah BCM Mission veng, Kânhmun tih a ni. Hei hi Kânhmun khaw chhunga Mizoram Baptist Kohhran Biak in pathumna a ni. Christian Hospital Cabin Block thar hawng Christian Hospital Serkawn chuan hma sawn zelin Vawiin November 13, 2014, chhun khan Cabin block thar hawn a ni a, hawnna leh Parthian hnena hlanna hi Upa Dr.B.Laldinliana, Medical Superintendent-in kaihruaiin Report a pe a,  Rev. Lalbiaksanga Chinzah, Associate General Secretry,  i/c Service inPathian hnenah hlanna leh lawmthusawina neiin a hawng nghal a ni. Continue reading → Mission Comtt. zo, Service Committee nei mek.. Mizoram Baptist Kohhran, Assembly hnuaia Committee lian pathum zinga pakhat, Mission Committee Meeting, ni hnih awh chu tluang takin an zo ta. He Meeting hi November 11-12, 2014 khan Sap Upa leh Pu Buanga Hall, Serkawn-ah neih a ni a, Nimin tlai khan tluang takin an zo thei ta a ni. Vawiin leh naktuk, (November `13-14) hian Serice Committee an nei mek a, karleh November 18-19 hian Central Committee nei lehin November 20-ah Nomination Committee an thu khawm leh dawn a ni. Continue reading → Mission News