September 19-21 chhung hian Assam field-a kan missionary-te Dhubri-ah Retreat an nei dawn a, Speaker-ah Associate General Secretary i/c Mission, Rev.Dr. K. Lalrinthanga an hamng ang. Tin, Arunachal East field leh Tripura field-ah te Missionary hovin retreat an nei hlawm a. Arunachal East field-ah Rev. F. Sangvela Speaker atan an hmang a, Tripura field-ah Rev. Lalthanzauva hovin retreat an nei thung.
MBF Meeting:Mizorama Baptist Kohhran hrang hrang inzawmkhawm (Mizoram Baptist Federation (MBF) chu September 17, 2014 (Nilaini) khan Sap Upa leh Pu Buanga Hall-ah an thukhawm a, thawhhona chak lehzuala kalpui dan tur te an sawihoin – Kum 2015 atangin MBF Member Body te anmahni Kohhran Roerlna sang ber (Assembly/Presbytery) ah Mizoram Baptist Federation(MBF) aiawh palai in tirh ni se tih te, MBF General Conference 2016-ah neih ni se tih te sawihovin MBF Inkaihruaina thenkhat an ennawnin siamthat ngai te an sawiho bawk.
“National Baptist Youth Conference” – Serkawn-ahSeptember 13 (Inrinni) khan BYFI Puipate (O.B) Meeting, BCM Committee Hall, Serkawn-ah neiin hma lak zel dan tur te an sawi ho va. Kum 2015 Baptist Youth Fellowship of India (BYFI) Conference chu April 23-26-ah Serkawn-ah nghah ni se, thupui atan ‘Tho la, êng rawh (‘Rise and Shine’) Isaiah 60:1 hman ni se. Inkhawmpui hming-ah “National Baptist Youth Conference 2015” tih hman ni se. he Conference Speaker atan heng mite hi dawr ni se tih a ni bawk: Continue reading →
Ram tan Chawngheiin Tawngtai dawn:Mizoram Baptist Kohhran Assembly roreln-a-in a lo rel angin, September 27, 2014 (Inrinni) khian Ram tana chawnghei tawngtai nilengin neih a ni dawn. Programme hi chawhma dar 10:30 atanga tanin tlai dar 6 thleng tur a ni a, zanriah nghei tur a ni. Hun hman dan tur chu hetiang hi a ni ang:- Continue reading →
Beirual thuzir tan dawn ta:Mizoram Baptist Kohhran chuan kum tina kan hman thin angin September thla tir atangin Beirual Programme a hmang mek a.
