Sunday School Training & Intermidiate Meet:
Christian Education Department Director, Rev. V. Vanlalchhunga chuan Tlabung Pastor bial huap Sunday School Training/Seminar leh Intermidiate Meet chu July 12-13, 2014 hian Immanuel Biak in, Tlabungah a neihpui dawn.
Worship & Music Seminar:
Thenzawl Pastor bial huapin Thenzawl Biak inah Worship & Music Seminar July 12-13 hian neih a ni dawn a. Headquarters atangin Worship & Music Director, Rev.KV. Thangan a hmanpui ang, Chanmari Kohhran Standing Choir-ten an tawiawm dawn a ni.
MTKP Intodelh Seminar Lawngtlaiah:
Mizoram TKP chuan kumina an rorel bawhzuiin July 12-13 hmang hian Lawngtlai Bazar Biak inah Intodelh Seminar an buatsaih leh dawn a. Seminar paper an zirho bakah Inrinni zan atanga Pathianni zan thlengin MTKP hruaituten thuchah an insawi chhawk ang. Headquarters atangin MTKP hruaitu engngemawzat an kal ang.(Read More)
Pi V. Lianhliri Ropuina ramah:Mizoram Baptist Kohhran hnuaia hun rei tak thahnemngai taka an hun puma rawngbawltu Pi V. Lianhliri (73) Zotlang, Lunglei chuan July 6, 2014 tlai dar 6:30 khan Lalpa hnenah chawlin a tuk July 7 (Thawhlehni) khan Kohhranhoten Lunglei Zotlang thlanmualah kan thlahliam a ni. Pi Hlirbawihi hi Baptist Printing Press-ah kum 39 zet thawkin kum 2003 khan Foreman a nih laiin a pension a ni. Khawhar chhungte Pathian thlamuanna i dil sak zel ang u.
Christian Hospital tihchangtlun tum:
Christian Hospital, Medical Superintendent, Dr. B. Laldinliana hnen atanga thu kan dawn danin Christian Hospital tih changtlun tumin hma lak mek a ni a. Tun hnaia an hmalakna leh hma chhawp mek hetiang hian a tarlang.(Read more)
Chhawmdawlna In pual Campaign:
Mizoram BKHP hruaitute chuan July 13,2014 Pathianni hmang hian Aizawl khawpui chhung Pastor bial pahnih- Zotlang bial leh Luangmual bialah Chhawmdawlna in pualin an fehchhuak dawn a. Pathianni Zing leh zanah bial 2 huam chhung Kohhran hrang hrangah MBKHP hruaituten thu an sawi ang.(Read More)
Mission Convention:
Saiha West Pastor bial chuan July 11-13, 2014 chhung hian Saiha Town Church-ah Mission Convention an nei dawn a, speaker atan AGS i/c Mission, Rev.Dr. K. Lalrinthanga an hmang ang.
Evangelist te Programme:
Kan hriat theih chinah heng ahnuaia tarlan BCM Evangelistic Team ten rawngbawlna na nei mek:-
Mizoram Evangelical Ministry (Speaker : Upa R.L.Thianghlima) : Aizawl Edenthar Kohhranah Camping an nei.
Gospel For All (Speaker : Upa F.Lalnuntluanga) : Zotlang Kohhranah BKHP leh Kohhran hruaitu pual Camping-in bul an tan a, karleh lamah vantlang camp-in an chhunzawm ang.
Mizoram for Christ (Speaker : Upa C. Tlangmawia) ten Lunglawn Kohhranah Camping an nei mek.
Gospel Messengers Team (Speaker : Upa B. Lalthanliana) : Mualthuam North-ah Camping an tan.
