Sunday School Programme Champhai Bial leh Lawngtlaiah
Champhai Pastor bial chuan June 21-22, 2014 hian Zokhawthar Kohhranah Sunday School Traning/Seminar Cum Intermidiate Meet an nei dawn a. Headquarters atangin Christian Education Department Director, Rev.V. Vanlalchhunga a kal ang. Hemi hun chhung vêk hian Lawngtlai Bethel leh College veng Kohhranah te Sunday School programme Upa C.Thankila leh Upa H. Lalnunsanga hovin an nei bawk ang.
Missionary 21 Tirchhuak dawn:
Tunkar Pathianni, June 22 hian tunhnaia Missionary la thar mi 21 te chu Kohhran hran hrang hrang panga-ah Tirhchhuah Inkhawm buatsaih a ni dawn a. He Tirhchhuah Inkhawm hi chawhma lam dar 10:00-ah a ruala neih a ni ang. (Read More)
Thisen pekah TKP te ti tha
World Blood Donor Day (June 14, 2014) –ah kum 2013-2014 chhunga Thisen pe tam lawman semnaah – Serchhip District huamchunga Kohhran Pawl thisen pe tam ber lawman chu Thenzawl Pastor Bial TKP ten an dawng a. Lunglei District-ah Mizoram TKP chuan lawman pakhatna an dawng bawk..(Read More)
Thawktu la thar zel
Mizoram Baptist Kohhran hnuaia hnathawktu tur Department hrang hrangah lak thar an awm ve zel a. Heng thawktu lakthar zinga thenkhatte hi chu hun rei tak hna nghet lo (Contract) a lo thawk tawh Temporary Post leh Sustantive Post-a hlankai te an ni a, thenkhat erawh chu mi thar an ni bawk. (Read More)
Pangzawl bialah Fakna Kûtpui
Pangzawl Pastor bial chuan tunkar Inrinni leh Pathianni hmang hian Ramrikawn Biak inah Fakna Kutpui programme an nei dawn a, speaker atan Worship & Music Director, Rev.KV. Thanga an hmang ang.
Mission Field Account Audit dawn
Kum kal ta 2013-2014 Financial year chhunga kan Mission field hrang hrang sum chevel endik hna (Audit) chu June 24-26, 2014 chhung hian Regional Director Office, Guwahati-ah neih a ni dawn a. Mission field Director leh Account lama mawhphurhna nei zawng zawng leh Headquarters lam atangin Finance Department hotuten, Director hovin naktuk hian Guwahati an pan ang.
May thla chhungin CHS in thisen Unit 147 dawng
Christian Hospital Serkawn chuan May thla chhung khan pawl hrang hrang hnen atangin thisen Unit 147 an dawng. Heng thisen petute hi Lungsen Bial TKP (44), Zotlang bial TKP (33), Electric veng Unit TKP (26) leh BHSS (44) an ni. May thla chhung vek hian OPD-a inentir 2092 atangin damlo 338 admit an ni a. Nau piang 53 an awm laiin mitthi 7 an awm. Thla khat chhung hian major operation 56 leh minor operation 36 an nei a, inzai ni apiangin mi 4/5 vel zai ang an ni.
Non Mizo Evangelism Rawngbawlna
Non Mizo Evangelism chuan June 5, 2014 atang khan Zohnuia Kohhran nen tangkawpin Non Mizo pual Camping an nei a, June 15 khan baptisma chang thar an nei a. June 18 atangin Ramzotlang Kohhranah Camping an nei leh nghal.
Evangelism Programme
Riangvaite Thian team (Speaker : Upa H. Dochhunga) ten Tarpho Kohhran an la thutchilh mek a.
Mizoram Evangelical Ministry (Speaker : Upa R.L.Thianghlima) Aizawl Kanaan-ah camping an la nei zel a.
Gospel For All (Speaker : Upa F.Lalnuntluanga) ten Zotlang North-ah Camping la nei kal zel bawk.
Mizoram for Christ team (Speaker : Upa C. Tlangmawia) ten Lunglei Chanmari Kohhranah Crusade an la chhunzawm bawk.
