Lawngtlai East bial Zaipawl Retreat & Crusade

Lawngtlai East Pastor bial zaipawl chuan June 5-8, 2014 chhungin Vengpui Biak inah Retreat an nei dawn a; Resource person atan Mizoram Evangelistic team speaker, Upa Zothankhuma Hrahsel hmangin zan lamah vantlang tan Crusade an nei thin ang.

Pentecost Ni – June 8

Tunkar Pathianni, June 8, 2014 hi Thlarau Thianghlim thlen champha phak (Pentecost Ni) a ni a. He Ni hi khawvel pumah Kristian te chuan urhsun takin kan hmang thin a. Mizoram Baptist Kohhran pawhinin he ni hi Special Sunday atan kan hmang thin a ni.  Kuminah pawh he ni hi Kohhran hrang hrangah urhsun taka hman a ni leh dawn a. Kumina Pentecost Ni thupui atan “Thlarau Thianghlim, ringtu thiltihtheihna” tih thu hman a ni ang.(Read More)

June 22, 2014-ah Missionary Tirhchhuah an ni dawn

Mizoram Baptist Kohhran Mission Department chuan May 29, 2014 khan Mizoram chhung leh ram pawna thawk tur missionary 21 a la thar. Tun tum hi Assembly-in missionary,chhan hrang hrang avanga chawl tawhte post a hum leh post thar a siam hnawhkhahna tur a ni a. Ruahman lawk dan chuan June 10-20 chhung Headquartes Office-ah Orientation an nei ang a, June 22, 2014-ah Tirhchhuah inkhawm hengah te hian neih tur a ni(Read More)

Social Concern Awarness

BCM Social Concern Department chuan nimin, June 7-8, 2014 (Inrinni leh Pathianni) khian Bawngkawn Biak inah  Pastor Bial pathum - Zemabawk Pastor bial,  Aizawl East Pastor bial leh Bawngkawn Pastor bial huapin Social Concern Awareness Programme/Seminar an hmang dawn. (Read More)

Tlaivar tawngtai khaidiat nei dawn:

June 8, 2014 hi Baptist Youth World Day of Prayer a ni a. He hun hi khawvel pum-ah Baptist thalaite chuan urhsun takin an hmang dawn a ni. Mizoram Thalai Kristian Pawl (MTKP) pawhin hemi ni hman dan tur programme siamin kumina an rorel, ram tana tawngtai tlaivar programme  nen an hmang kawp dawn a, Pastor bial hrang hrang hun insemin tlaivarin an tawngtai khaidiat an hmang dawn a ni (Read More)

Mahni bialah Sunday School Training

Paithar pastor bial chuan an bialtu pastor pahnih Rev.H. Lalremruata leh Pro Pastor Habert Rorelliana hovin May 28, 2014 khan Paithar Biak inah Sunday School training an nei.

Lunglawn Kohhran Chikhurlui-ah

Lunglawn Kohhran chuan May 28-June 1, 2014 khan Chikhurlui-ah Longpuighat team ruaiin Salvation Camping an buatsaih a, a hlawhtlinna an hmu nghal. Campers 47 zinga mi 11 chuan June 1, Pathianni khan baptisma an chang nghal a ni. Kumin chhung ringawtin Longpuighat bialah hian ring thar baptisma chang 71 an awm tawh.

S. Vanlaiphai bialah Harhna inkhawmpui

S. Vanlaiphai bial chuan June 6-8,2014 hian an bial chhung Ariel Biak inah bialtu pastor, Rev. Israel Lalremtluanga speaker-a hmangin Harhna inkhawmpui an nei dawn.

Cheng 10,000/- pe

Mission Vengthlang pastor bial Mission Committee chuan tun hnaiah Tripura field-a Baka Mohan Para khuaa Kalvary Hospital sak that nan leh Mizoram chhung CBC Longpuighat Biak in sak nan Rs.10,000 ve ve an pe.

Evangelism Programme 1. Riangvaite Thian team (Upa H. Dochhunga) ten Tarpho Kohhranah bul an tan a. 2. Mizoram Evangelical Ministry (Upa R.L.Thianghlima) Aizawl Kanaan-ah . 3. Gospel For All (Upa F.Lalnuntluanga) ten Zotlang North-ah Camping neih zel an tum. 4. Rev.V. Lalthlamuana (Thingfal bial) chuan Lunglei Ramthar Kohhran bul tumin Nehemiah Prayer Mountain, Zobawkah Salvation Camping neiin an inkulh mek. 4. Hnahthial Paniel Kohhran chuan Camping chhawng lina an nei zo chiah a, campers 82 zet an lut