General Secretary Kolkatta-ah:

BCM General Secretary, Rev.H. Lianngaia chu karleh thawhtanni (May 26, 2014)-a Senate of Serampore Working Committee, Kolkatta-a neih turah member a nih angin tunkar Inrinni khian Headquarters a chhuahsan ang. He Committee hi Serampore rorel khawlah member tlemte thuneineihna sang tak nei a ni a. BCM atangin member kan la nei ngai lo va, tin, Mizo zinga member awmchhun a ni bawk.

USA atangin AICS tlawh dawn:

Rev. Dr. Chester Polk leh a nupui, Princeton Theological Seminary, USA chuan June karleh, May 28 khian Academy of Integrated Christian Studies (AICS) an rawn tlawh dawn a, he Seminary atang vek hian June 18-ah brian Wong pawh lo kal tura beisei a ni. Kum tin Princeton Theological Seminary, New york atang hian Field Education (practical) tih nan AICS an rawn hmang thin a, MDiv zirlai an rawn tir thin thla 2 an awm chhungin thingtlang ah te pawh an zin thin a ni.

AICS chuan June 4, 2014 atangin Acedemic Session an tan leh dawn ta bawk.

TKP Ramthim Ni-May 29:

Kar leh Ningani - May 29, 2014 –Mizoram Baptist Kohhran Ni pawimawh (Special Day) “TKP Ramthim Ni”a ni a. Kuminah pawh he ni hi TKP Unit hrang hrangah urhsun taka hman a ni leh dawn a. Kumina TKP Ramthin Ni thupui atan “Krista aia Palai” (II Kor 5:20)  hman a ni ang a, Tawngtai thupui inkhawm hruaitu/Unit-in buatsaihin tawngtairualna neih a ni ang. Hemi ni (zan) Inkhâwm thawhlâwm chu Mission rawngbâwlna atân hman a ni bawk ang.(Read More)

Nuai 143 in budget khum:

Mizoram Baptist Kohhran, Finance Department chuan kum 2013-2014 chhunga Pastor bial hrang hrang thilpek an audit fel taa, a ngaihnawmin a ropui hle. BCM in budget Nuai 100 chuang zetin kan khum leh ta a; bial tinin target kan khumna nuai 138 a nih laiin a pumpuia khumna chu nuai 143 zet a tling a. (Read More)

Christian Education Department Phawngpui-ah:

Christian Education Department chuan tun weekend hmang (May 24-25) hian Phawngpui North, South leh West bial huapin Cheural-ah Sunday School Training leh Intermidiate Meet an nei dawn a. Christian Education Department Director, Rev. V. Vanlalchhunga leh Upa M.Thansiama, SS Trainer te an kal ang.

Bial TKP Zai Kutpui & Meet:

Tunkar Zirtawpni zan atanga pathianni thleng(May 23-25) hian Bial TKP programme hengah te hian neih mek a ni:-

1. Champhai bial TKP Meet, Zokhawtharah Speaker atan bialtu pastor, Rev.B. Rothangpuia.

2. Paithar bial TKP Zai kutpui,  R. Vanhne-ah Speaker: Pu T. Lalhlimpuia Asst.Secy., MTKP leh Pu Lalnuntluanga Executive Committee member, MTKP te an kal.

3. Tlabung bial TKP Meet-ah speakers Pu R.Lalengliana Fin.Secretay, MTKP leh Upa Biakthansanga Khiangte,Senior Adviser, MTKP bakah Nl. Malsawm-tluangi Executive Committee member, MTKP leh Rahsiveng Kohhran zaipawlin an tawiawm ang.

NEICC Hruaitu tharte:

North East India Christian Council (NEICC) Session neih zawh takah hruaitu thar thlangin President atan Rev.Zosangliana Colny (Mizoram Synod) thlan a ni a. Tuna Secretary ni lai Rev.R. Lalnunzira (BCM) chu kum 2018 thleng NEICC Secretary atan thlan nawn leh a ni bawk. Sawi tawh angin NEICC hian kum khat danah Session neiin kum 2016 Bi-ennial Session chu Lungleiah BCM in kan thleng dawn a ni.(Read More)

Evangelism Programme:

Kan hriat theih chinah tunlai hian heng Evangelistic Team te hian rawngbawlna an nei mek:-

1. Evangelistic team (Speaker: Upa Zothankhuma Hrahsel) Tawipui North I-ah Revival Crusade an nei mek.

2. Gospel For All (Speaker: Upa F.Lalnuntluanga) ten Edenthar, Serchhipah Camping vawi 5 nei tawh a, Crusade-in an chhunzawm ang.

3. Chanchin Tha chhungtu (Speaker:Upa K. Lalenga) Lungrangah Camping

4. Kraws Thupuangtute (Speaker: Evan.Vanlalengmawia Sailo) ten College veng, Lawngtlai-ah rawngbawlna an nei mek bawk.