NEICC Inkhawmpui: May 15-18, 2014 hian NEICC Inkhawmpui vawi 76-na (First Biennial Session) chu Churachanpur, Manipur-ah neih a ni dawn a. Thupui atan I puan in hmun chu zauh rawh (Isaia 54:2) a ni ang. Evangelical Free Church of India (EFCI) kohhran-in Sielmat veng, Churachanpur ah an dawl ang. BCM atangin heng mite hi an kal ang.
1. Rev.Dr.K.Lalrinthanga 2. Rev.F.Ramdinmawia 3. Rev.KV.Thanga 4. Rev.B.Rothangpuia 5. Rev.Samuel Lalremsanga 6. Rev.V.Laltlanzuala 7. Upa Vanlalmaka 8 Upa T.Lallianngura 9. Upa A.Lalhmunmawia 10.Upa F.Lalzarmawia 11.Upa K.Sanghmingliana 12. Upa C.Lalhmahruaia NEICC Secretary Rev.R.Lalnunzira chuan he khawmpui hmang tur hian a inpe thei te chu tel turin kohhran mite min
KNP Inkhawmpui: Chanmari Pastor Bial chuan KNP inkhawmpui vawi 32-na ni 10-11 May 2014 chhung hian BCM Biak in Chanmari-ah an nei mek a, thupui-ah Chhandamna tih hman a ni a, Speaker-ah Rev.LB.Khawpuimawia Bialtu Pastor hman a ni.
Sunday School Trainning & Seminar:
Lawngtlai East Pastor Bial buatsaihin BCM Nazareth Biak In-ah ni 10-11 May 2014 hian Bial huap Sunday School Trainning hman a ni a, Rev.Vanlalchhunga Director Christian Education-leh Upa C. Thankila, SS Trainer ten an hmanpui. Tin, Thingfal Bial-in hemi hun vek hian Sunday School Seminar an nei a, Sunday School Promoter Pi H. Lalkimi leh Upa H. Lalnunsanga, SS Trainer ten an hmanpui bawk.
Kristian Chhungkaw Hapta Programme: Mizoram Baptist Kohhran chuan Kristian Chhungkaw Ni, May 18 chhunzawmin Kristian Chhungkaw Hapta a hmang leh dawn a. He mi chhung hian Pathian ram thilpek tih thupui zir tur a ni a. ย Read More...
BPP Lawngtlai tan thilpek hlan: May 5, 2014 khan BKHP Lawngtlai Electrict Veng Unit chuan Baptist Printing Press, Lawngtlai-a Self Inking Seal siamna lei nan Rs 2,000/- pein Branch Manager hnenah an hlan. April 6,2014 khan TKP Lawngtlai North Pastor Bial chuan he khawl leina atan hian Rs. 11,250/- an lo hlan tawh bawk a ni.
Accident tawk: Kan kohhran khaipa leh mawhphurhna pawimawh tak tak, Pastor hna, AGS i/c Mission leh BCM President hna te lo chelh tawh Rev. TC Laltlawmlova chu May 3 (Inrinni) khan a tute lo haw hmuak tura Lengpui pana a tlan laiin phunchawng daiah a chesualin nuikhaw hre lovin Aizawl Civil Hospital ICU-ah dah a ni. A chetsual chhan hi a BP hniam vang ni-a rin a ni a, chanchin kan ziak lai hian a dinhmun dik tak kan la hre chiang lo a, a lo that chhuah leh thuai theih nan Kohhran hoten i tawngtaipui ang u.
