Capacity Building Training
Association for Stimulating Knowhow (ASK) mi thiamte chuan Mizoram Baptist Kohhran, Relief & Development Department-in Community Development chungchanga an thawhnate tichak turin Organisational Capacity Building training an rawn neihpui a. Tin, Imphal (Manipur) ah Management Training chawlhkar khat chhung nei turin Pi Vanlalruati Hnamte leh F. Lalhriatpuii te an thang mek.
Serampore College Principal lo kal dawn
TunPathianni hmang hian Serampore College Principal, Prof. Laltluangliana Khiangte chuan BCM min rawn tlawh dawn a. Ruahman chhin anga hun an hmang thei anih chuan Pathianni zing inkhawmah Serkawn Biak inah, zanah Chanmari Biak inah hun a hmang ang a, kan General Secretary-in a tawiawm ang.
BCM in Gangte Baptist Association hlawh tum sak
BCM chuan kan chhehvela Baptist unaute hnenah malsawmna ni zel turin hun rei tak a lo tum sak tawh, Churanchanpur, Manipura awmhmun khuar Gangte Baptist Association (GBA) Executive Secretary hlawh chu kum khat dang a la tumsak chhunzawm zel dawn.
MTKP Hruaitute Khawruhlian Bialah
Mizoram TKP hruaitute leh Zotlang Pastor bial Zaipawlte chu vawiin Pathianni hmang hian Khawruhlian bialah an fehchhuak dawn a. MTKP hruaitute hi an Senior Adviser pahnih leh Organiser hovin an thawk chhuak dawn a; He Joint Fellowship Programme hi nizan atanga tanin zanin inkhawm ban Inpawlho thlengin ruahman a ni.
Inkhawmpui nei dawn
Aizawl East Bial TKP : November 9-11, 2012 hian Aizawl Chanmari Biak in-ah Inkhawmpui nan nei dawn a. Speaker atan MTKP Vice President, Pu PC. Vanlalrova hmangin thupuiah ‘Isua Krista lo kal lehna’ a ni ang.
Upper Republic Bial BMP : November 9-11, 2012 hian Republic Vengthlang Biak inah Inkhawmpui an nei dawn a. Speaker-ah FOD Director, Rev.R. Lalbiakliana hmangin thupui chu ‘I Rawngbawlna kha hlen rawh’ tih a ni ang.
