Mission Platinum Jubilee atan inbuatsaih zel:
Kum 2014 March thlaa lawm tur BCM Mission Platinum Jubilee chu inbuatsaihna neih chhoh mek zel a ni a. Headquarters-a lawm dan tlangpui ruahman fel tawh anih hnuah AGS i/c Mission, Rev.Dr.K. Lalrinthanga chuan kar kal ta, July 21 hmang khan Aizawlah Aizawla Platinum Jubilee hman dan tur rel puiin a kal a; tunkar Pathianni hmang hian Lawng-tlaiah Lawngtlai hmuna hman dan tur sawiho puina neiin a kal leh ang. Zing inkhawmah Bazar veng Biak inah thu a sawi ang a; chawhnu lamah meeting an nei ang.
Baptisma chang dawn:
MP&MS field, Dharni-ah July 28, Pathianni hian field Director, Rev.T. Lal-sangvungan ring thar baptisma 6 a chantir dawn a, chawhnu inkhawmah Lalpa zanriah sacra-ment buatsaihin lawmluh an ni ang.
MBKHP hruaitute’n Ziro tlawh mwk :
MBKHP hruaitu mi 23 vel chuan Ziro, Arunachal West Field tlawhin an thang mek a. Apatani Baptist Association hmeichhe member-te Buhfaitham leh Kristian Chhungkaw pawimawhna an zirtir a ni. Kohhran hrang hrang an tlawh kual bawk. July 31, 2013 hian Lunglei an lo thlen leh beisei a ni. MBKHP Organiser Pi P.S. Lalhmingthangi’n nuho hi a hruai a ni.
Missionary 4 la thar :
BCM Mission Board July 23 – 24, 2013 a thukhawm chuan Missionary (Contract) 4 a la thar a, chungte chu : -
1) Nl. Vanlalbiaktluangi Sailo, B.A (Hons), M.Div., Edenthar, Lunglei
2) Nl. R. Lalthuammawii, B.A,West Bunghmun, Mamit District
3) Pu R. Lalrindika, B.A, Zobawk Vengthar
4) Nl. C. Lalremruati, GNM, A.O.C, Lawngtlai, BCM Kanaan-a lawi, Jharkhand-a thawk tur - te an ni. A hmasa 3 te awmna tur hi la ruat tur a ni. Orientation neihpui zawhah tirh chhuah an ni ang a, August thla atangin an hna an zawm ang..
Missionary Furlough :
1) Pu K. Lalchhanhima chuan July 26 – 28, 2013 chhung hian Bungtlang Pastor Bial (Pangzawl piah) a tlawh dawn.
2) Tv. V.L. Buatsaiha, B.A., B.D, Kenya, Africa-akan Missionary chu Mizoramah lo hawngin, Furlough programme a hmang tan dawn. Rawngbawlpui tur nupui pawh a nei dawn hnai niinkan lo hria.
B.B.C kohhran ding thar dawn :
Assam ram chhung, Manipur ramri bul Tezpur khuaah Bru Kristian 300 vel lai chu B.B.C-ah an lo lut dawn a. July 28, 2013 Pathianni hian lawmluh an ni ang.
Missionary damlote :
1) Pu CT Lalruatthanga, ET, Damparengpui chu Christian Hospital, Serkawnah Zunthlum leh natna dang neuh neuh avangin enkawl mek a ni.
2) Pu C. Lalremsanga, HM, Tipprah Academy, Tripura, Kawng na, Greenwood Hospital, Aizawla zai, Aizawla la awm
3) Pi Vanlalremruatkimi, Pu F. Thangmawizuala, HM, Rolui P/S nupui, Christian Hospital, Serkawna Thi put vanga enkawl mek te tan Pathian thlamuanna leh tihdamna i dilsak ang u.
Missionary Support duh pung zel :
BCM hian Missionary Support dan chi hnih kan nei a.
a) BCM Missionary Support -
Hei hi 2005 a tan, mimal, chhungkua, Pawlho leh Kohhran anga suma Missionary Support kan pek khawm hi a ni. BCM Mission sum hnar pakhat a ni a, Target siama tuak thin a ni. Pi Lalbiakzami, Cashier hnenah pek luh a ni. Aizawl leh Lawngtlai E.S Office-ah pawh pek luh theih a ni. 2012-2013 khan nuai 114 aia tam a tling. Kan chhunzawm zel ang.
b) Non-BCM Missionary Support –
Hei hi 2013 Assembly-akansiam thar, hming hmerh Missionary chawm/ rawih theihna a ni. Hqrs.-ahkan Accountant Upa R. Lalbiakmuana hnenah Designated Account-a pek luh tur a ni a. Missionary (Mizo) ruaituten an mi rawih hlawh, Travelling Expense (T.E), Medical Re-Imbursement (M.R) leh chenna in (Qtrs) sakna (a tul chuan) an pe lut ang a, Hqrs. in an thawn chhuak leh ang. Hei hi Aizawl leh Lawngtlai E.S Office-ah pawh pek luh theih a ni a, anni hian Hqrs.-ah an rawn thehlut thin ang. Assembly Minute-a sawi ang khan, Missionary rawihna chu Contract-basis rate nise tih a ni a. A chawmtute tlin tawk a nih a, a thawk tur ten an pawm theih erawh chuan, hei aia hniam pawhin an in ruai thei ang.
