BCM-in Hlemhletna(Corruption)  tih tlem dan tur leh Pathian Thilsiam dangte (Environtment) humhalh chungchang-ah inkawmhona buatsaih dawn:

Mizoram Baptist Kohhran Social Concerned Department bultumin Vawiin September 21, 2012 chawhnu Dar 1:00 hian BCM Committee Room-ah Mithiamte leh Pawl hruaitu hrang hrang-Sawmbikte nen Pathian thilsiam dangte humhalh kawngah inzirtirna leh Kan ramah hlemhletna(corruption) a tlem(control) theih nan hma lak ni se ti-a BCM Assembly 2012-in a lo rel bawhzui dan tur leh hma lak dan tur te in hrilhhiratna leh sawihona buatsaih a ni dawn a. He Inkawmhona hi Rev. C, Ngurhnema, Associate General Secretary, Service ( i/c Social Concerned Department)-in kaihruaiin BCM Social Concerned Department Committee member ten an tawiawm ang.

MTKP 2013 Website & Facebook

Haulawng chu MTKP Inkhawmpui atan inbuatsaih chho zelin tun hnaiah Inkhawmpui pual hian Website leh Facebook group an hawng thar a; tlawh duh leh be pawp duh tan Website: http://www.mtkp2013.org/ leh Facebook group: MTKP 2013 HAULAWNG ah te luh thein a ni ta.

Shillongah Worship & Music Camp

Madanrting Kohhran chuan September 26-28, 2012 khian Madanrting Biak in, Shillongah Worship & Music Camp an buatsaih dawn a. Resource person/Speaker atan Upa Zothankhuma Hrahsel a ni ang.

Non Mizo Inkhawmpui

BCM hnuaia Non Mizo Kristiante chuan September 20-23, 2012 chhung hian Moria Biak in, Rahsivengah Inkhawmpui an hmang mek a; speaker atan Non Mizo Evangelist te an hmang.

Editor S. Vanlaiphaiah

Baptist Today Editor, Pu K.M.S.Dawngliana chuan September 19-23, 2012 hian S. Vanlaiphai Kohhranah Crusade a neih mek avangin Baptist Today-a thuchhuah tur nei chuan Executive Editor, Rev.C. Lalbiakzama hnenah hriattir tur a ni e.

HATIM Principal zin kual

HATIM Principal, Dr.Chawngthanpari chu India ram hmun hrang hranga Christian College te tlawh kuala an tih dan thate zir turin a zin kual mek a; South India lamah a thang mek.

ZPMBK-TKP Meet

Shillong Pastor Bial TKP (ZPMBK-TKP) chuan September 21-23, 2012 hian Meet an nei dawn a. Speaker atan MTKP President, Rev.R. Zohmingliana hmangin Sr. Adviser, Upa R. Lalduhawma leh Tv.(Dr.) JV. Nunchunga, Aizawl ten an tawiawm ang.

Beirual Chhunzawmna Crusade & Camping

Beirual chhunzawma Camping & Crusade programme kar hmasaa kan tarlan bakah a hnuaia mite hi kan la tarlan loh a ni e.. Kohhran hote kan intawngtaipui theih nan lo tarlang leh ila:-