Vawiin, April 9, 2012 zing dar 7:00 khan Baptist Printing & Literature Department chuan Web Offset Printer thar an neih chu Pathian hnenah hlanin hawnna inkhawm tawi, BCM Press & Bookroom, Serkawn-ah an hmang. He khawl thar Pathian hnena hlanna Inkhawm hi Pu PT Vandailova, Foreman, BCM Press-in a kaihruai a, Upa K. Lalnuntluanga, Manager, Baptist Printing Press-in report tawi pein Rev. C. Ngurhnema, AGS i/c Service, BCM-in Pathian hnena hlanin he khawl thar hi Pathian ram a lo zauva, a lo ngheh a, a lo lanfiah deuh deuh theih nan a hawng ta.
He Offset khawl thar hi Orient Company siam niin Rs.2,601,677.00 man a ni a. Installation tih nan a hmun buatsaih leh tul hrang hrang tihna senso te nen Nuai 30 vel-in complete a ni. He khawl hian darkar khatah copy 160000 khat print thei tura ngaih a ni. Kan hriatthiam zawngin Kohhran beng, phek 32 hi vawi khatah a chhu nghal a, paper a cut a, vawi hnih a thlep nghal a, a lo chhuak a ni. He Offset hian lehkha puan lehlam lehlamah a chhu nghal (Both sided) a, paper pawh a hlum (Reel fed) chi a hmang a ni. He khawl install nan hian ni 20 vel hun hman a ni a, a foundation te concrete chhun that vek a ni a, a hnuaiah ban-in do belh vek a ni bawk. Operator tur hi a hranpa-in training in tirh a ni lo va, khawl rawn install tu mechanic hnen atangin an zir thiam nghal vek a ni.
Brand Name : Orient (India export Quality-No.1)
Cost of Machine : Rs. 2,601,677.06
Machine Size : Double Demy 35x22 inches
Tunah hian lehkhabu kawm vuahna (Perfect binder) leh a kilhna khawl (Souble Head) lei tel a ni bawk a, kalkawngah a rawn thang mek a ni.
