Mizoram baptist Kohhran, Mission Department-in Tripura Volunteer Missionary 17 tir tura a hmalakna kal mekah tunkar Pathianni hian Kikawn Kohhran leh Chanmari Vengthlang Kohhrante chuan an Kohhran atanga kal chhuak turte thlahna inkhawm an nei dawn.

Chanmari Vengthlang-ah hian bialtu pastor  leh Mission Promoter, Upa HL. Liantluanga hovin thlahna inkhawm hi neih a ni ang a. An Kohhran member Nl. J. Lalrelkimi d/o Upa J. Thanghmingliana chu Halam Kuki, Tripura thawk turin an thlah a ni ang. Kikawn Kohhranah hian anmahni kohhran ami Halam Kuki zinga thawk tur tho F.Lalhlimpuia,  chu thlah a ni bawk dawn a ni.

Kan hriat theih chinah Kohhran 5- Lunglawn East, Hnahthial Bazar, Ramthar (Lli), Chanmari (Lli), Armed veng Aizawl te chuan thawktu an la fel tawh a. Kohhran 5- Electric (Lli), Gilgal Theiriat, Venglai, Lunglawn leh Serkawn Kohhran ten advertisement an tichhuak mek bawk.