May 4, 2012 (Zirtawpni) hi Baptist bKohhran Mipa Pawl (BMP) Day a ni a.  Kuminah hian Sorkar Chawlh a nih loh avangin chhun lamah progamme siam a ni hran lo va, zan lam Inkhawm Programme erawh chu Mizoram pumah BMP ten urhsun takin an hmang dawn a ni. Kumin BMP Day thupui atan "Chhungkua a Pa mawhphurhna" tyih hmana  ni ang a. Headquarters atangin Thuchah chhiarchhuah tur buatsaih chu chhiar chhuah a ni ang. Bible Chhiar tur thlan sa,  Gen.18:19, Isaia 38:1-3, Malakia 12:15, III Johana 4 a awm a, chumi bak chu Unit ten an duh angin Programme an siam belh thei ang.     Baptist Mipa Pawl (BMP) hi May 4, 1980 ah Thingsaiah din tan a ni. Chutih lai chuan a hming hi sap awngin “Baptist Men’s Fellowship” tih a ni a, a lam a har deuh avangin 1983 ah Bialtu Pastor F.Lalhmingthanga rawtna angina ‘Baptist Mipa Pawl’ tih a lo ni ta a ni. Upa F. Aihnunan a ziak dan chuan hengte hi hruaitu hmasa ber te an ni.

1)    Convener        : Pu Haubuanga 2)    Asst. Convener    : Pu Chalbuta 3)    Secretary        : Pu K. Kapliana 4)    Asst. Secretary    : Pu Raltawna 5)    Treasurer        : Pu Vanruma 6)    Fin. Secretary        : Pu Remsiama

Executive Committee Member te: 1)  Pu Selthima    2) Pu Lalkima     3) Pu Thankima 4) Pu Hrangtlaia 5) Pu Hrangzela  6)     Pu Hniarzika BMP hi kohhran a Pawl (Fellowship) pakhat ni turin BCM Assembly 1988 chuan  a pawm a, chuta tangin  Tualchhung Kohhran hrang hrang a din a lo remti ta a ni. Hemi rual hian BMP kalphung tur leh inkaihhruaina pawh pawm nghal a ni. Assembly in a pawm atang pawhin kum 23 lai a lo ni ta. Tunah hian Bial 36-ah BMP Unit hi 280 a ding tawh a, Member pawh 13639 lai kan ni ta, a lawmawm hle.

BCM Assembly 2006 chuan Thingsai a a lo din tan ni 4 May 1980 hi BMP Day atan a pawm a, chuta tang chuan BMP Day hi hman thin a lo ni ta a ni. BCM Assembly 2011 chuan BMP te chu Tualchhung ah chauh ni lovin Biala an inthlunkhawm theihna turin Bial level a an din a lo phal leh ta zel a. Hun rei lote chhungin Pastor Bial 36 ah Bial BMP din a ni tawh.

BMP member thenkhat te hi kan naupan leh that lai hun a kohhran a tel tam lo kan ni hlawm a, chuvangin kohhran kalphung te pawh kan zir ngun a tul hle. Kohhran hi Pawl (NGO) te nen a inanglo tih hriat tur.  Kohhran hruaitute zai ngai a, zawi te a kal thiam kan zir zel dawn nia. Kohhran hruaitute hi tisa lamah kan ai a lehkha thiamlo leh khawsak thu a hniam zawk te pawh nise, kohhran ah chuan min hruaitu ni tur a Pathian ruat an nih hre rengin an zai kan ngaithiam zel dawn nia. PATHIAN RAM A LO ZAU VA, A LO NGHEH A, A LO LAN FIAH DEUH DEUH THEIH NAN BMP VUL ZEL RAWH SE.