Kar hmasa-a kan tarlan tawh angin, United Christian Prayer Fellowship of India (UCPI) chuan Kohhran Hruaitute pualin National Meet, Bhubaneswar, Odisha-ah July 20-22, 2016 chhûng hian an hmang mek a. He Meet/Tawngtai Inkhawm hmang hian Mizoram Baptist Kohhran atangin Rev.Dr.K.Lalrinthanga, Executive Secretary, Aizawl te nupa bakah Pastor 10 leh Kohhran Upa – 6 an tel a ni. An programme ang chuan tunkar Inrinni hian Mizoram lo thleng leh tura beisei anj ni. Kar hmasa-a kal tura tarlan, Rev. Dr.C.Vanlaldika, AGS i/c Mission chu Office lam hna tul leh Committee pawimawh dang avangin a tel thei ta lo a ni.

Sawi tawh ang khan he Meet-in a tum ber chu, India ram tân Kristian Pâwl tin (all denominations) ten lungrual taka Pathian hnêna tawngtaina neihho a ni. Tawngtainaa India ram chu Lal Isua tana lak leh hneh a ni.

Tarlan tawh thin angin, BCM leh UCPI te hian kumin May 29, 2016 khan BCM General Secretary Room-ah thawhhona atana inremsiamna(MoU) an ziak a, Mission lama rawngbawlna-ah te, India ram pumpui tana tawngtai-a hmalakho kawngah te, Rawngbawlna inhriattawn leh in tanpui tawn dan tur ruahman te, a tul anga sum leh tha-a intanpui tawn tur te-in kum 5 chhung atan MoU hi an ziak a ni.