BCM Assembly Committee lian pathum zinga pahnih, Service Committee leh Central Committee chu vawiin leh naktuk (August 12 leh 13, 2014) hian Sap Upa leh Pu Buanga Hall, Serkawn-ah neih a ni dawn a. Vawiin-ah Service Committee neiin naktukah Central Committee an thu khawm thung ang.

Tun tum  Committee-ah hian Agenda lian tham leh thu thar langsar lutuk a awm lo va, Department hrang hrang te kum kal lai mek  Achievement leh Report te an thlirho ang. Service Committee agenda zingah (1) Zuk leh hmuam chungchang inzirtirna neih thu te, (2) Nursing School Serkawn atan GNM Seat 20 atanga 30-a tihpun dan tur te, (3) Specialist Doctor Retire Age tihdanglam (Amendment) te, (4) Sunday School Promoter Post pakhat siam belh chungchang te Agenda langsar deuh an ni a. Tin, Report langsar zingah - (1) Higher and Technical Institute, Mizoram (HATIM) Permanent Affiliation hmuh thu te, (2) BHSS tan Bus pahnih lei thu leh (3) Rev. Lianchhunga Khiangte Canada-a Training tura tirh thu te a tel bawk ang.

Service leh Central Committee-ah hian ABC aiawh palai te bakah Assembly aiawh leh Department aiawh te an awm a, an vaiin member 50 vel an ni.

Service Department hnuaiah hian Department hrang hrang 7 a awmin, Central Commitee hnauaiah Department 8 an awm bawk. Assembly hnuaia Committee lian pathum zinga pakhat - Mission Committee chu karhmasa, August 6-7, 2014 khan an lo thukhawm tawh a ni.