Hnahthial South Bial Mission Consultation
Hnahthial South Pastor bial chuan June 13-14, 2015 hian Hnahthial Chanmari Biak inah Mission Consultation an buatsaih dawn a, headquarters atangin Rev.B. Lalrinawma, Mission Coordinator leh Upa HL. Liantluanga, Mission Promoter ten an hmanpui ang.
Saiha District TKP Meet
Saiha District huam chhunga Pastor bial hrang hrang huam chhungaย TKP te chuan June 12-14, 2015 hian Saiha Meisatla Biak inah Meet programme an hmang dawn a; MTKP Organiser, Rev. Samuel Lalremsanga chu speaker niin MTKP hruaitute bakah Lunglei Electric bial Zaipawlte an kal ang, Saihaa ECM Choir te pawhin he hun hi an hmanpui theih beisei a ni bawk.
Mission Vengthlang Bial BMP Khawruhlianah
Khawruhlian Vengthar Biak in sak bul an pui turin Mission Vengthlang bial BMP te chuan June 11, 2015 khan Khawruhlian an pan a, BMP te hian mahni lirthei thawh chhuahpuiin he chanchin ziak lai hian member eng zat chiah nge kal kan hre hman ta lo.
Lawngtlai South bial |awngai inkhawmpui
Lawngtlai South Pastor bial chuan Chawnhu Biak inah June 12-14, 2015 hian |awngai in-khawmpui an nei dawn a, speaker atan Rev.H. Killuaia an hmang ang.
Lawngtlai East bial Fakna Inkhawmpui
Lawngtlai East Pastor bial Worship & Music Committee buatsaihin Vengpui Biak inah June 12-14, 2015 hian Fakna inkhawmpui an nei dawn a, speaker atan Rev.KV. Thanga Worship & MusicDirector an hmang ang.
Thlarau Thianghlim hnathawh zir ho
Cherhlun Kohhran chuan June 13-14, 2015 hian Thlarau Thianghlim hnathawh zirhona Seminar an buatsaih a, resource person atan Rev. Lianchhunga Khiangte an hmang ang.
West Phaileng Bial TKP Meet
West Phaileng bial TKP Meet chu June 13-14 hian Dinthar Biak inah neih a ni dawn a, speaker atan Rev.R. lalbiakliana, President,MTKP an hmang ang.
Evangelism Programme
Kan hriat theih chinah heng Kohhranah te hian Evangelism programme kalpui mek a ni:
Bawngkawn Kohhranah Camping-Speaker: Evan. Tlangmawia, Mizoram for Christ
Lunglei Salem Kohhranah camping - Speaker: Evan.F. Lalnuntluanga, Gospel for All
Chawntlangpui Kohhranah camping- Speaker: Evan.K. Lalenga, Chanchin |ha Chhuangtute
Evangelist Team Pakhat pawm thar
Revival & Evangelism Committee chuan tun hnaiah BCM Evangelist team pakhat a recognised thar a. Khawngaih Rawngbawltute team (Speaker: Tv. Lalremhluna) a ni a; Bungtlang Khawnglung Kohhran a ni a, a contact no. chu 9774675636 a ni.
