AGS i/c Mission Shillong-ah

[caption id="attachment_6018" align="alignright" width="150"] Rev.Dr.K.Lalrinthanga[/caption]

ZPMBK Pastor bial chuan Madanrting Biak inah May 22-14, 2015 chhung hian Mission Convention leh Consultation an buatsaih dawn a, speaker/Resource person atan AGS i/c Mission, Rev. Dr. K. Lalrinthanga hmangin Zotlang(Lli) Pastor bial Zaipawlin an tawiawm ang.

Hnahthial Bazarah Pastor bial 3 infin Seminar

Hnahthial North, Hnahthial South leh Leite Pastor bial 3 huam chhunga Upa leh Rawngbawltute infin chuan May 23, 2015 (Inrinni) ah Hnahthial Bazar Biak inah Pastoral Coordinator, Rev.R. Zohmingliana leh Mission Coordinator, Rev. B. Lalrinawma hovin Kohhran than zelna tur chungchang thuah Church Growth Seminar an nei dawn a. May 24 (Pathianni) chawhnu lamah Hnahthial North leh Hnahthial South bial huapin Consultation an neih chhunzawm ang.

Sunday School Training Programme

Congregational Church of  India, Maraland (CCIM) Kohhran chuan an headquarters, Serkawrah Sunday School Tranining/Leadership Training neihpui turin Christian Education Department Director, Rev.V. Vanlalchhunga leh Upa C. Saihmingliana te an kal dawn a. Tuiphai Pastor bial huap Chawngtui Kohhranah hetiang bawk hian Pi H. Lalkimi SS Promoter leh Pi C. Lalhmingmawii SS Worker te an kal thung ang

Hauruang bial Leadership Training & Retreat

Hauruang Pastor bial chuan May 23, 2015 hian bial chhung Upa leh Rawngbawltute leh Fellowship Department hruaitute huapin Leadership Training cum Retreat an nei dawn a; resource person atan bialtu pastor, Rev.K. Laldosanga an hmang ang.

Electric Bial TKP Meet

Electric Pastor bial TKP chuan May 22-24, 2015 hian Chanmari Vengthlang Biak inah Bial TKP Meet an nei dawn a; speaker atan Rev. Lianchhunga Khiangte an hmang ang.