April 13, 2014 (Pathianni) hi Kohhran ni pawimawh - Tumkau Pathianni (Palm Sunday) a ni a. He Ni hi khawvel pumah Kristiante chuan urhsun takin an hmang thin a, Mizoram Baptist Kohhran pawhin Kohhran Nipawimawh zingah telhin urhsun takin kan hmang thin a ni. Kumin Tumkau Pathianni thupui chu ‘ Lalpain a duh a ni’ (Mathaia 21:3b) a ni ang.
Headquarters atangin hemi ni hman dan tur ruahmanna hetiang hian siam a ni:- 1. A thei apiangten zing karah naupangte nen Lal Isua chawimawina Tum kau nena kawng zawh neih ni se.
2. Chawhma Inkhawm-ah Thupui – ‘Lalpain cialis vs viagra a duh a ni’ (Mathaia 21:3b) tih hmangin thusawitu-in thuchah sawi ni se, thusawitu tanpui nan bbible chang tarlan te hi hman theih a ni.
Bible chhiar tur: Mathaia 21:1-5, Zakaria 9:9&10, Phil. 2:9-11 (Note: Bible bung leh chang tar lante hi thusawitu tanpuina a ni a, chhiar vek tur tihna a ni lo)
Tun tumah hian programme chipchiar siam lovin thupui chauh dah a ni. Kohhran hoten thupui pakhat hmang a hun hman tlan tur a ni. Zan lam inkhawm atan thupui siam a ni lo. Programme chipchiar chu tualchhung kohhranin tul leh tha a tih angin a ngaihtuah ang. Inkhawm programme kimchang chu Tualchhung Kohhran kutah dah a ni.
Tumkau Pathian Ni hi Lal Isua Jerusalema lal anga a luh ni hriat rengna ni. Pathianni a nih bakah Kristiante tan ni pawimawh bik, Lal Isua lal a nihna puan chhuah thar lehna hun leh amah chawimawina ni atan hman a ni. Hetianga hmang hmasa bertute chu Jerusalem kohhran an ni a, kum zabi 4-na tawp lamah an hmang tan chauh niin sawi a ni. A tak taka Lal Isua Jerusalem-a lal anga a luh atanga kum 300 hnu daihah he ni hi serh tan a ni chauh tihna a ni.
Tumkau Pathian Ni hi ‘Hnehna nena Jerusalema luhna ni’ ti a sawi a ni bawk. He hun hi a pawimawh em avangin Chanchin Tha bu ziaktu palite hian an ziak theuh a ni (Matt.21:1-17; Marka 11:1-11; Luke 19:28-42; John. 12:12-14). A pawi-mawhna chhan chu: 1) He khawvela a awm chhunga vantlang hriat khawpa langsara Jerusalem khawpuia a luh chhun a ni. (A rawngbawl chhung hian Jerusalemah an lut meuh lo) 2) Tisaa a awm chhunga mipui vantlang chawimawi a hlawh ve tum a ni. 3) Vantlang hriata Lal a nihzia tarlana a awm tum a ni.
Matthaia chuan he hun ropui takah hian mipui zinga a tam zawkin Lal Isua kalna kawngah chuan an puante an phah bakah thinga mi chhawl an sat a, an phah bawk tih a sawi a (Matt.21:8). Johana chuan Jerusalem mipuiten tumkau kengin an hmuak a ti a (John 12:12-13). Lal Isua chu Galili ram atangin a thilmak tih hmutu tamtakin an rawn zui a, Jerusalema khawpuia cheng, amah ringtute’n an lo hmuak bawk a, amah rawn zuitute leh lo hmuaktute chuan rilru hmun khatin Lal augmentin usage Isua chu an theihtawkin he hunah hian an chawimawi a ni. Chutianga amah ngaisangtuten an chawimawina chu chhunzawmin, tumkau/hnahchhawl chawiin Lal Isua chawimawina kawng zawh hi Kristiante zingah neihzui a ni ta zel a ni.
Tumkau Pathian Ni-ah hian Lal Isua chawimawia tumkau nena kawng zawh hi naupang (KNP) tih turah kan dah deuh niin a lang a, a tawk lo hle. Jerusalem chhehvela augmentin 875 mg mipui, Lal a nihzia la hre chiang tak tak lotute mahin khati khawpa an chawimawi chuan, keini a hre chiangtu, thinlung tihvar tawhte furosemide side effects hi chuan theihtawpa chawimawi hi kan tih ngei tur a ni.
