Tlabung TKP ten rawngbawlna[/caption]
Tlabung Unit TKP te chuan tunkar Pathian ni, August 25, 2019 khan Khawthlang Tuipuiah tui luang hmanga rawngbâwlna an nei. Tlai lam dâr 3:40 vêlah Missionary kai atanga engine lawng hmanga TKP member 30 vêl kal chhuak te chuan Bangladesh ramri dep, Thekaduar thlang lawk, BGB (Border Guard Bangladesh) Camp Opposite-ah tlai dar 4:30 vêl khan Tuiluang hmanga rawngbâwlna hun duhawm tak an hmang.
Hetiang rawngbâwlna hi kum 1986 vêl atanga TKP Tlabung Unit-te hian nei tan tawhin, tui len (flood) deuh hlek lai denchhena vawiin thlenga kalpui thin a ni. Tûn tumah hian Bible tract thunna Bâwm (Box) 50 len tîr (chhuah) a ni. Bengali/English Bible tract etc-te chu Plastic bâwm (box) engemaw zâtah thunin, chhin phui vek a ni a. Tuia lâng thei leh Tui huh lût lo tûra tih phui vek a ni. Hêng hi Tui len deuh, tui lûang chak deuh laiah len thlâktîr a ni a. Lui mawng lama Bangladesh thlenga lên zêl tûra beiseiin hêng bâwm (Palstic Box) te hi ringlo miten an lo chhar a, a chhûnga Pathian thu (Bible tract) awm chu lo chhiar a, Lalpa an lo hmuh ve a, Pathian thlarauin hna a thawh chhunzawm zêlna tûrin Pathian hnênah hlan a ni thîn.
[caption id="attachment_14783" align="aligncenter" width="720"]
Tlabung TKP ten rawngbawlna[/caption]
