Kumin Assembly rorel chuan ‘Christian Hospital Lawngtlai pualin sum tuak fehchhuahna Tual-chhung Kohhran tinin kumin 2015 chhungin vawi khat neih ni se’ tih leh ‘Kum 2015-2016 chhungin HATIM pualin Tualchhung Kohhran tinah sum tuak fehchhuah neih ni rawh se’ tihte a rel a.

Assembly tiak zan khan Tualchhung Kohhrante inhriattirna hran siam lovin mahni hmun thlen hunah umzui nghal ni se, tiin palaite chiang takin kan inchah kha a ni a. Hriattirna hran kan siam ta lo va, manghilh palhte kan lo awm takin hei hi hriattirnaah ngaiin Tualchhung Kohhrante lo umzui theuh turin kan inngen nawn leh a ni. Christian Hospital Lawngtlai pual hi June thla hma lama neih ni se, HATIM pual hi September thla hma lamah neih ni se, tih kha a ni a. Fehchhuah la nei hman lote pawhin neih ni se, a hma lama thehluh tum ni se. Pawisate hi Bial Treasurer kaltlangin Designated Fund-ah Headquarters-a thehluh nise, tih a ni e. Kohhranhiten ngaih pawimawh kan tum dawn nia.

Sd/- REV. H. LIANNGAIA General Secretary, Baptist Church of Mizoram