March 27 (Pathianni) khan, BCM Electric, Hnathial, Tualchhung Kohhran leh BCM Bazar Veng, Lawngtlai te chuan Headquarters Mission Department hriatpuina a Missionary atana an lak te Thlahna Inkhawm an buatsaih.
BCM Electric, Hnathial-in Missionary atana an lak, Thlahna inkhawm chu chawhnu dar 1:00-ah Biak Inah hman a ni a. Inkhawm hi Upa C.Laltlanthanga, Tualchhung Kohhran Chairman in kaihruai in Nl.MC Laldingliani hnen atangin testimony ngaihthlak a ni a, Missionary kal chhuak tur tana tawngtaisakna Rev. H. Lalfakzuala Bialtu Pastor, Hnahthial North Pastor Bial-in neiin, Pathianthu Pu T. Lalnghaksanga, Mission Promoter hnen atanga ngaihthlak a ni.
Missionary Thlahna Inkhawm ah hian Nl. MC Laldingliani Rawngbawlna thin Kohhran Zaipawl leh Bial Zaipawl ten Rawngbawlna an neih bak ah Electric Unit KNP, NL. Lalhlumawii leh amah MC Laldingliani leh a thian ten Pathian faka Rawngbawlna an nei a ni.
Nl. MC Laldingliani hi thiamna lamah B.A. ni in, Nazareth School, Tuidu, Tripura ah Evangelist Teacher in a awm dawn a ni.
Hemi Ni vek hian, BCM Bazar Veng, Lawngtlai pawhin Missionary atana an lak, Nl Lalbiakdiki(BD-i) D/o Upa Thangthuia (Thingkah) Thlahna inkhawm chu BCM Biak in Bazar Veng, Lawngtlai-ah neih a ni a. Inkhawm hi Upa RK. Zadeng Chairman BCM Bazar Veng, Lawngtlai in kaihruaiin, Nl Lalbiakdiki(BD-i) hnen atangin testimony ngaihthlak a ni, Missionary tana tawngtaisakna Upa H.Sangmuana Chairman Mission Committee BCM Bazar Veng,Lawngtlaiin a nei a, Pathian thuchah Rev Lalzarliana Khiangte Bialtu Pastor Lawngtlai East Pastor bial hnen atangin ngaihthlak a ni.
Inkhawm-ah hian Tualchhung Kohhran Zaipawl,Group Zai Grace Harmony,Solo ten rawngbawlna an nei a, Thilpek BCM Bazar Veng,ṬKP Bazar Unit,BKHP Bazar Unit,BMP Bazar Unit,ṬKP Lawngtlai North Bial,BKHP Lawngtlai North Bial leh a thawhna School South Heat Academy ten thilpek an hlan a ni.
Nl Lalbiakdiki(BD-i) hi thiamna lamah B.Th, M.Div ni in, AP East Field Galo Baptist Union School ah Evangelist Teacher in a thawk dawn a ni.
