#Tripura Field-a Puanthui Zirna (Tailoring Centre)-a Zir chhuak te thlahna neih a ni.
May 28, inrinni khan Tripura Field-a Puanthui Zirna (Tailoring Centre)-a zirlai zirzo mi 6 te thlahna inkhawm neih a ni. Thlahna inkhawm hi Pu F Lalthanzauva'n a kaihruai a, Pu C. Lalnunsiama, Tripura Field Committee Chairman in hunserh a hmanga, Nl Ramngaihzuali Puanthui Zirtirtu in report tlangpui a pe.
2001 kuma 'Women Empowerment Centre,ย Gorjee' ti a din ah hian a tir ah chuan Puantah Zirna (weaving Centre) anga kalpui a ni a, hun alo kal zel a, 2010 atangin Puanthui Zirna (Tailoring Centre) hawn niin vawikhat training ah mi sawm zel tana seat siam in, seat 2 hi ringlo mi tana zuat (reserve) niin, an training chhunga Kristiana an awm ngei theih nan ruahman a ni.
Puanthui zir hun chhung hi thla 10 niin tun tumah hian mi 6 in a tawp an thleng a.ย Puanthui zirzo te hnenah Certificate leh khawlย Rev. B Rothangpuia, FD in a hlan theuh a, Guest Pu Sailohnuna'n thuchah a sawi a ni. Zirlai zirzo te hnena pek thin Puanthuikhawl hi zirlai ten a man chanve in an lei tura ruahman a ni a, a man chanve dang hi Field Committe in a ngaihtuah thin a, tun tum a khawl leina pawh hi Pi J. Chhawnkimi, Hnahthial, Electric Veng te chhungkua in an rawn pek a ni.ย Puanthui zirtirtu (Instructress) hi BCM Lengpui leh BCM Lungleng, Hnahthial ten an sponsored a ni bawk.
#Leite Pastor Bial Arunachal East Field ah Work Camp nei in an fehchhuak.
May ni 27 atanga June ni 2 chhung khan Leite Pastor Bial Mission Committee bul tumin Arunachal East Field, Pasighat ah Work Camp neih a ni a, Work Camp ah hian mipa hlir 12 an kal a, an awm chhung hian Arunachal East Field Director Quarters thar tur ban an phun zawh vek bakah, Missionary te Quarters a dah tur thutthleng sei (long Chair) 8 lai an siam a ni. Work Camp neia an awm chhung hian Pathianni ah pawl hnih ah inthen in Field chhung kohhran te tlawhkual pui an ni bawk
