August 23-24, 2014 hian Mizoam Baptist Kohhran, Worship & Music Committee buatsaihin Lunglei Chanmari Biak Inah Tleirawl Pawl Meet, Lunglei Town Area huapin neih a ni dawn a, thupui atan ‘Lalpa chu fak rawh u’ (Sam 149:1) tih hman a ni ang. He Meet-ah hian Thalai kum 14-18 inkar, Lunglei khawpui chhunga Kohhran hrang hrang 23 atangin an fuankhawm dawn a. Anmahni talent hrang hrang pho chhuakin Pathian an fak ho dawn a ni. Group zai,Zaipawl, Solo, Musical Drama, Skit bakah Pathian thutak in ziritirna leh Pathian fakna hun te-a hman a ni ang.

Inrinni chawhma-ah 'Thalaite leh Tunlai Khawvel' tih thupui hmangin Pu ZD Lalnunmawia, Serkawn-in Presentation hmangin ziritrna a pe ang a, Chawhnu lamah Pu T.Lalhlimpuia, Venghlun-in 'Thalaite leh Zirna' tih thupui hmangin paper a present bawk ang. Inrinni zan, Pathianni zing leh Pathianni zan-ah te vantlang inkhawm a awm thin ang a - Inrinni zanah Upa C. Hrangdula, Pathianni zingah Rev. KV Thanga leh Pathianni zanah Rev. H. Lianngaia ten thuchah an sawi ang. Pathianni chawhnu-ah Quiz inelna buatsaih a ni bawk ang.