Kan hriat theih chinah tun Weekend hmang hian heng ahnuaia tarlan te hian Inkhawmpui/Meet an hmang dawn a, Headquarters atang -in FOD hruaitu ten an hmanpui hlawm ang:-

# Lawngtlai East Pastor Bial chuan Dt.21-23 Aug.2015 chhung hian Rev.Samuel Lalremsanga Organiser, MTKP Speaker-a hmangin, Immanuel Kohhran-ah Bial TKP Meet an nei dawn a. Rev.Lianchhunga Khiangte Organiser PG&PAC (Seminar Resource Person) leh  Electric Pastor Bial Zaipawl ten an hmanpui ang.

#Aizawl City TKP-te pawhin August 21-23 chhung vek hian Shaloam Biak In, Missionvengthlangah TKP Meet an nei dawn bawk a, Speaker atan Rev.R.Lalbiakliana President MTKP an hmang thung ang.

#TKP Zawlpui Pastor Bial pawhin  hemi hun chhung hian Bial Meet an nei dawn a. Zirtawpni leh Inrinni hian Sport neiin, Inrinni zan atangin Pathianni thlengin Pathian fak leh inpawlhona an nei ang. Speaker-ah Rev.T.Hmangaihvulluaia Bialtu Pastor a niin thupui atan “Inring rengin awm rawh u” Marka 13:35 hmangin thuchah a sawi thin ang.

Bial Zaipawl Meet:

Hnahthial North Pastor Bial chuan Ni 21-23.8.2015 chhung hian Bial Zaipawl Meet an nei dawn a. Speaker-ah Rev.K.V Thanga Director Worship&Music a ni ang.