Thalai Kristian Pawl Zohnuai Unit te chuan an kum 75-na (Platinum Jubillee) lawmna pakhat atana Lunglei Town Area TKP Volleyball Tournament March 4th, 2025 (Thawhlehni) zan khan BCM Hall, Serkawn ah Opening & Tie Draw Function hun an hmang.

He hun hi MTKP President Upa R. Lalrochama leh Secretary Rev. F. Zorinkhuma ten hun an hmanpui bakah Unit hrang hrang aiawh te leh Serkawn Pastor Bial TKP Office Bearer te bakah Bial chhunga Unit Office Bearer te an tel a ni.

MTKP aiawh in Rev. Zorinkhuma, Secretary in thu sawiin Tournament Spike Off na Upa Lalhmingmawia, Senior Adviser, TKP Zohnuai Unit in a nei.

He Tournament ah hian Lunglei Town Area atangin Unit 20 telin, Mipa Team 21 leh Hmeichhia Team 11 te an chhuak a. 10th March – 18th March, 2025 chhungin Zohnuai Volleyball Court ah chhun leh zan a neih tura ruahman a ni. Lawmman hetiang hian siam a ni.

Champion Mipa                      : Rs. 10,000/- , Trophy leh Medal

Champion Hmeichhia             : Rs.   7,000/- , Trophy leh Medal

Runners Up Mipa                    : Rs. 7,000/- leh Medal

Runners Up Hmeichhia           : Rs. 5,000/- leh Medal

TKP Zohnuai Unit hi 12th April, 1950 khan din a ni. Tunah hian TKP member 386 An awm ani.