October 9, 2020 khan Thalai Kristian pawl, Kanaan Unit, ZotlangBial Aizawl te chuan Civil Hospital, Aizawl Blood bank a dah turin Thisen Unit 21 an pe a, thsen hi Civil Hospital Blood Bank a thawktuten a hmunah pan chilhin an lak sak a ni.
Zotlang Pastor Bial chhunga Chawnpui Unit te pawhin September 26 inrinni khan Thisen Unit 17 Mipa 14 leh hmeichhia 3 ten an lo pe tawh bawk. Heng thisenpek programme te hi TKP Coordination, Aizawl hruaitute leh Bial hruaituten tawiawmin an telpui a ni.
TKP te hian a thlawna thisen pek (Voluntary Blood Donation) hi MTKP-in Blood Donation Calendar a siam angin kum tluanin Bial leh Unit hrang hangah a in chhawkin kalpui zel a ni a, Ramchhung hmun hranga Blood Bank nei Damdawiina thawktuten kal chilhin thisen hi an la thin a, Unit member tlem leh Damdawiin hnaihvaia awm te chuan Blood Bank-ah kal chilhin thisen hi an pe bawk a ni.
TKP Co-ordination Aizawl chuan kum kal te, April 2019 - March 2020 chhunga Thalai huanga Blood Donation ah member 670 Doner nei in, Aizawl Khawpuia Kohhran huanga thisen pe tam lawmman Pahnihna a la a, lawmman leh Citation an dawn te hi Executive Secretary Office, Aizawl-ah October 12, 2020 khan an hlan a ni.
Lunglei lamah pawh MTKP hmalakna-a Voluntary Blood Donation kalpui mekah Lunglei District a Kohhran huanga thisen pe tam ber lawmman pakhatna a dawng bawk. Kuminah pawh Voluntary Blood Donation Calendar a siam angin thisen pek hi Bial leh Unit ten an kalpui mek zel a, kumin June leh September inkar (thla 4 chhung) hian thisen Unit 1505 zet an pe tawh a ni.
